യുദ്ധവും മഹാമാരിയും തോറ്റ ആൻറ്​വെർപ്​ ഒളിമ്പിക്​സിന് 100 വർഷം

കോവിഡ്​ മഹാമാരി കാരണം ടോക്യോ ഒളിമ്പിക്​സ്​ ഒരു വർഷത്തേക്ക്​ മാറ്റിവെച്ച്​ കാത്തിരിക്കുകയാണ്​ ലോകം. ആ നടുക്കത്തിനിടയിലാണ്​ ആൻറ്​വെർപ്​ ഒളിമ്പിക്​സി​െൻറ ഒരു നൂറ്റാണ്ട്​ പഴക്കമുള്ള ഒാർമപ്പെടുത്തലുകളെത്തുന്നത്​. 1920 ആഗസ്​റ്റ്​ 14- അന്നായിരുന്നു ബെൽജിയത്തിലെ ആൻറ്​വെർപ്പിൽ ചരിത്രത്തിലെ ഏഴാം ഒളിമ്പിക്​സിന്​ ​കൊടി ഉയർന്നത്​. ലോകസമാധാനത്തി​െൻറയും വിശ്വമാനവികതയുടെയും പ്രതീകമായി മാറിയ ഒളിമ്പിക്​സ്​ നാൾവഴിയിലെ അതുല്യമായൊരു ഏടായിരുന്നു 1920 ആൻറ്​വെർപ്​ ഒളിമ്പിക്​സ്​. ലോകം ടോക്യോ ഒളിമ്പിക്​സിനെ വരവേറ്റ 2020ഉമായി ഒ​േട്ടറെ സാമ്യതകളും അതിനുണ്ടായിരുന്നു.

കോടിക്കണക്കിന്​ മനുഷ്യരുടെ ജീവഹാനിക്കിടയാക്കിയ ഒന്നാം ലോകയുദ്ധത്തി​െൻറയും സ്​പാനിഷ്​ ഫ്ലൂവി​െൻറയും കെടുതികൾക്കൊടുവിൽ മനുഷ്യരാശിയുടെ ഉയിർത്തെഴുന്നേൽപ് വിളംബരം ചെയ്യുന്നതായിരുന്നു ബെൽജിയം വേദിയായ ഒളിമ്പിക്​സ്​. 1914ൽ തുടങ്ങി 1918 വരെ നീണ്ടുനിന്ന ഒന്നാം ലോകയുദ്ധത്തിൽ സൈനികരും സിവിലിയന്മാരുമായി 2.2 കോടി പേരാണ്​ കൊല്ലപ്പെട്ടത്​. ​യുദ്ധത്തി​െൻറ അവസാന നാളുകളിലായിരുന്നു സ്​പാനിഷ്​ ഫ്ലൂ പടർന്നുപിടിച്ചത്​. അന്നത്തെ ലോകജനസംഖ്യയുടെ മൂന്നിൽ ഒരുഭാഗം രോഗബാധിതരായി. അഞ്ചുകോടി മനുഷ്യരെങ്കിലും രോഗം ബാധിച്ച്​ മരിച്ചു. യുദ്ധത്തിലും രോഗത്തിലും പരിഭ്രമിച്ചുപോയ തലമുറയുടെ ഒളിമ്പിക്​സായാണ്​ ചരിത്രം ആൻറ്​വെർപ്​ 1920നെ ​വിശേഷിപ്പിക്കുന്നത്​.

വെറ്ററൻ ഒളിമ്പിക്​സ്​

1912ലെ സ്​റ്റോക്​ഹോം ഒളിമ്പിക്​സിൽനിന്ന്​ അടുത്ത ഒളിമ്പിക്​സായ ആൻറ്​വെർപ്പിലെത്തു​േമ്പാഴേക്കും അവസാന ഒളിമ്പിക്​സിലെ ഒളിമ്പ്യന്മാരിൽ ഭൂരിപക്ഷവും മരിച്ചിരുന്നു. അവരിൽ ഏറെ പേരും തങ്ങളുടെ രാജ്യത്തി​െൻറ സൈനികരായി യുദ്ധക്കളത്തിൽ വീരമൃത്യു വരിച്ചു. ശേഷിച്ചവർ വികലാംഗരായി. ഇതോടെ, ആൻറ്​വെർപ്പിൽ മത്സരിച്ചവരിൽ ഏറെയും ​വെറ്ററൻ അത്​ലറ്റുകളുമായിരുന്നു. ഷൂട്ടിങ്ങിൽ വെള്ളി നേടിയ ഒളിമ്പിക്​സിലെ ഏറ്റവും പ്രായമേറിയ മെഡൽ ജേതാവായ ഒാസ്​കർ ഷോണിന്​ അന്നത്തെ പ്രായം 72. 29 രാജ്യങ്ങളിൽനിന്ന്​ 2626 അത്​ലറ്റുകൾ പ​െങ്കടുത്തു. വനിതകൾ 65 പേർ മാത്രം.

ഒളിമ്പിക്​സ്​ പതാകയും പ്രതിജ്ഞയും ആദ്യം

അഞ്ചു​ വളയങ്ങളുടെ ഒളിമ്പിക്​സ്​ പതാക ആദ്യമായി അവതരിച്ചത്​ ആൻറ്​വെർപ്പിലായിരുന്നു. അത്​ലറ്റുകളുടെ ഒളിമ്പിക്​ പ്രതിജ്ഞയും ആദ്യമായി നടപ്പാക്കിയത്​ ഇവിടെ തന്നെ. മുൻ സൈനികൻ വിക്​ടർ ബോയ്​ൻ ആയിരുന്നു പ്രതിജ്ഞ ചൊല്ലിയത്​. സമാധാനത്തി​െൻറ പ്രതീകമായി പ്രാവുകളെ പറത്തിയും ചരിത്രം കുറിച്ചു. ഒളിമ്പിക്​സിൽ ഇന്ത്യയുടെ അരങ്ങേറ്റവും ഇവിടെയായിരുന്നു. ബ്രിട്ടീഷ്​ ഇന്ത്യക്കു കീഴിലായിരുന്നു ഇത്​.

താരങ്ങൾ

ഒളിമ്പിക്​സ്​ ചരിത്രത്തിലെ സൂപ്പർ ഹീറോ പാവോ നൂർമിയുടെ പിറവി. മൂന്നു​ സ്വർണവും ഒരു വെള്ളിയും ആൻറ്​വെർപ്പിൽ നേടിയ നൂർമി മൂന്ന്​ ഒളിമ്പിക്​സിലായി ഒമ്പതു സ്വർണവും മൂന്നു​ വെള്ളിയും നേടി. നീന്തൽ താരം എതൽഡ ​ബ്ലി​ബെട്രിയും എല്ലാ ഇനങ്ങളിലും (മൂന്ന്​) സ്വർണവും റെക്കോഡും കുറിച്ചു.