Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightSports Specialchevron_rightറഫറിയുടെ കഷണ്ടിത്തല...

റഫറിയുടെ കഷണ്ടിത്തല ഫുട്​ബാളാണെന്ന്​ കരുതി എ.ഐ കാമറ; ഷൂട്ടിങ്​ ആകെ കുളമായി VIDEO

text_fields
bookmark_border
റഫറിയുടെ കഷണ്ടിത്തല ഫുട്​ബാളാണെന്ന്​ കരുതി എ.ഐ കാമറ; ഷൂട്ടിങ്​ ആകെ കുളമായി VIDEO
cancel

ഗ്ലാസ്​കോ: കാമറമാ​െൻറ പണി എ.ഐ കാമറയെ (ആർട്ടിഫിഷ്യൽ ഇൻറലിജൻസ് കാമറ​) ഏൽപ്പിച്ചാൽ ഇങ്ങനെയിരിക്കും. ഫുട്​ബാളാണെന്ന്​ കരുതി എ.ഐ കാമറ നല്ലൊരു സമയവും ഫോക്കസ്​ ചെയ്​തത്​ ലൈൻ റഫറിയുടെ കഷണ്ടിത്തലയെ. അതോടെ മത്സരം ടി.വിയിൽ കാണാനിരുന്ന ആരാധകർക്ക്​ മത്സരത്തി​െൻറ ലൈവ്​ ടെലിക്കാസ്​റ്റിങ്​ പലപ്പോഴായി നഷ്​ടമായി.

സ്​കോട്​ലാൻഡിലെ കാലിഡോണിയൻ സ്​റ്റേഡിയത്തിലെ​ മത്സരത്തിനിടെയായിരുന്നു സംഭവം. കാലിഡോണിയൻ തിസ്​ലും ​െഎർ യുനൈറ്റഡും തമ്മിലുള്ള മത്സരത്തിനിടെയാണ്​ രസകരമായ സംഭവമുണ്ടായത്​. കോവിഡ്​ നിയന്ത്രണങ്ങൾ കാരണം സ്​റ്റേഡിയത്തിൽ ആ​ൾപ്പെരുമാറ്റം കുറക്കാനായി കാമറമാൻമാരെ വെട്ടിക്കുറച്ച്​ ആ പണി ബാൾട്രാക്കിങ്​ സംവിധാനമുള്ള എ.​െഎ കാമറക്ക്​ നൽകിയതായിരുന്നു സംഘാടകർ. എന്നാൽ, കിക്കോഫ്​ വിസിൽ മുഴങ്ങിയതിനു പിന്നാലെ ടി.വിയിൽ കളി കണ്ടവർ ഞെട്ടി.

വൈഡ്​ ആങ്കിളിലേക്ക്​ കളി പോകു​േമ്പാൾ സ്​ക്രീനിലൊന്നും പന്ത്​ കാണുന്നില്ല. പകരം, ​ടച്ച്​ ലൈനിന്​ പുറത്ത്​ അങ്ങോട്ടും ഇ​േങ്ങാട്ടുമായി ഒാടുന്ന ലൈൻ റഫറിയെ തന്നെ കാണുന്നു. വല്ലപ്പോഴുമാണ്​ പന്തും കളിക്കാരും ഫോകസ്​ ചെയ്യപ്പെടുന്നത്​. മിനിറ്റുകൾ കഴിഞ്ഞാണ്​ സംഗതി മനസ്സിലായത്​. കഷണ്ടിത്തലയനായ ലൈൻ റഫറിയുടെ തിളങ്ങുന്ന തലയെ പന്തായി തെറ്റിദ്ധരിച്ച 'എ​.​െഎ കാമറ' ​േ​ഫാകസ്​ അവിടെ മാത്രമാക്കി. കാണികൾക്കിടയിൽ സംഭവം ചിരിയും അമർഷവുമായി മാറി.

കളി പുരോഗമിക്കുന്നതിനിടെ കമ​േൻററ്റർമാർ ക്ഷമാപണവും നടത്തുന്നുണ്ടായിരുന്നു. സമൂഹമാധ്യമങ്ങളിൽ സംഭവം വൈറലായതോടെ കരാർ ചുമതലയുണ്ടായിരുന്നു കാമറ കമ്പനി മാപ്പപേക്ഷയുമായി രംഗത്തെതി. പ്രശ്​നം പരിഹരിക്കുമെന്നും ഇനിയൊരിക്കലും ആവർത്തിക്കില്ലെന്നും ഉറപ്പുനൽകിയാണ്​ അവർ രക്ഷപ്പെട്ടത്​.


Show Full Article
TAGS:AI Camera football jokes 
Next Story