ചെസ്​ ലോകകപ്പ്​: നിഹാൽ മൂന്നാം റൗണ്ടിൽ

മോസ്​കോ: ​ചെസ്​ ലോകകപ്പിൽ മലയാളി ഗ്രാൻഡ്​മാസ്​റ്റൻ നിഹാൽ സരി​ൻ ജയത്തോടെ മുന്നോട്ട്​. രണ്ടാം റൗണ്ടിൽ അസ ർബൈജാ​​െൻറ ഇൽതാജ്​ സഫറലിയെ തോൽപിച്ചാണ്​ ഇന്ത്യൻ കൗമാരതാരത്തി​​െൻറ കുതിപ്പ്​. ആദ്യ റൗണ്ടിൽ റാങ്കിങ്ങിൽ ഏറെ മുന്നിലുള്ള പെറുവി​​െൻറ ജോർജ്​ കോറിയെ അട്ടിമറിച്ച്​ കുതിപ്പ്​ തുടങ്ങിയ നിഹാൽ രണ്ടാം റൗണ്ടിൽ ഇൽതാജിനെ അനായാസം വീഴ്​ത്തി.

37 നീക്കത്തിൽ നിഹാൽ കളി അവസാനിപ്പിച്ചു. മൂന്നാം റൗണ്ടിൽ യൂറോപ്യൻ ചാമ്പ്യനും ലോക എട്ടാം നമ്പറുമായ ഷഹരിയാർ മമദ്യറോവാണ്​ എതിരാളി. പി. ഹരികൃഷ്​ണയാണ്​ മൂന്നാം റൗണ്ടിൽ കടന്ന മറ്റൊരു ഇന്ത്യൻ താരം. എ. ചിദംബരം രണ്ടാം റൗണ്ടിൽ തോറ്റപ്പോൾ, ഭാസ്​കരൻ അധിപൻ, വിദിത്​ ഗുജറാത്തി എന്നിവർ സമനിലയോടെ ടൈബ്രേക്കറിലേക്ക്​ കടന്നു. നിഹാലിനൊപ്പം മത്സരിച്ച മറ്റൊരു മലയാളി ഗ്രാൻഡ്​മാസ്​റ്റർ എസ്​.എൽ നാരായണൻ ആദ്യ റൗണ്ടിൽ പുറത്തായിരുന്നു.