സംസ്ഥാന  സീനിയർ വോളി: എറണാകുളം, തിരുവനന്തപുരം ജേതാക്കാൾ

സുല്‍ത്താന്‍ ബത്തരി: സംസ്​ഥാന സീനിയർ വോളിബാൾ കിരീടങ്ങൾ എറണാകുളത്തിനും തിരുവനന്തപുരത്തിനും​. സുൽത്താൻ ബത്തേരി സര്‍വ്വജന സ്‌കൂള്‍ ഗ്രൗണ്ടിൽ നടന്ന ഫൈനലിൽ പുരുഷ വിഭാഗത്തിൽ ഇടു​ക്കിയെ തോൽപിച്ചാണ്​ എറണാകുളം കിരീടമണിഞ്ഞത്​. അത്യന്തം ആവേശകരമായ മത്സരത്തില്‍  25-23,25-21,25-21,15-13   സ്​കോറിനായിരുന്നു എറണാകുളത്തി​​െൻറ ജയം. വനിതാ വിഭാഗം കലാശപ്പോരാട്ടത്തിൽ തിരുവനന്തപുരം ആലപ്പുഴയെ വീഴ്​ത്തി. സ്​കോർ  25-15,25-11,25-16. വനിത വിഭാഗത്തില്‍ മൂന്നാം സ്ഥാനം പത്തനംതിട്ടയും നാലാം സ്ഥാനം കോട്ടയവും നേടി. പുരുഷവിഭാഗത്തില്‍ തിരുവനന്തപുരം മൂന്നാമതും വയനാട് നാലാം സ്ഥാനവും നേടി.