സംസ്ഥാന സീനിയർ വോളി: തിരുവനന്തപുരവും എറണാകുളവും ഫൈനലിൽ 

സുൽത്താൻ ബത്തേരി: സംസ്ഥാന സീനിയർ വോളിബാൾ ചാമ്പ്യൻഷിപ്പിൽ വനിത വിഭാഗത്തിൽ തിരുവനന്തപുരവും പുരുഷ വിഭാഗത്തിൽ എറണാകുളവും ഫൈനലിൽ. വെള്ളിയാഴ്​ച നടന്ന ആദ്യ സെമിഫൈനൽ മത്സരത്തിൽ ആതിഥേയരായ വയനാടി​നെ തകർത്താണ്​ എറണാകുളം ​ജേതാക്കളായത്​​. സ്​കോർ (22-16, 25-16, 25-19). 

വനിത വിഭാഗം ആദ്യ സെമി ഫൈനലിൽ മൂന്ന് സെറ്റുകൾക്ക്​ പത്തനംതിട്ടയെ പരാജയപ്പെടുത്തിയാണ്​ തിരുവനന്തപുരത്തി​​െൻറ ജയം. സ്കോർ (25-16, 25-22, 25-19) . ശനിയാഴ്ച നടക്കുന്ന രണ്ടാം സെമിയിൽ വനിത വിഭാഗത്തിൽ  ആലപ്പുഴ കോട്ടയവുമായും പുരുഷവിഭാഗത്തിൽ  തിരുവനന്തപുരം ഇടുക്കിയുമായും ഏറ്റുമുട്ടും.