കിരീടം നിലനിർത്താൻ വിജേന്ദർ ആ​ഫ്രിക്കൻ ചാമ്പ്യനെതിരെ

ന്യൂഡൽഹി: ​ഏഷ്യ-പസഫിക്​ സൂപ്പർ മിഡ്​ൽവെയ്​റ്റ്​ കിരീടം നിലനിർത്താൻ ഇന്ത്യയുടെ ബോക്​സിങ്​ ഹീറോ വിജേന്ദർ സിങ്​ വീണ്ടും റിങ്ങിലിറങ്ങുന്നു. ഡിസംബർ 23ന്​ ജയ്​പുരിൽ ആഫ്രിക്കൻ ചാമ്പ്യൻ ഏണസ്​റ്റ്​ അമുസുവാണ്​ വിജേന്ദറി​​െൻറ അടുത്ത എതിരാളി. പ്രഫഷനൽ റിങ്ങിൽ തുടർച്ചയായി ഒമ്പത്​ ജയങ്ങൾ സ്വന്തമാക്കിയ റെക്കോഡുമായാണ്​ വിജേന്ദർ കിരീടപ്പോരാട്ടത്തിനിറങ്ങുന്നത്​. കഴിഞ്ഞ ആഗസ്​റ്റിൽ ചൈനയുടെ ഒന്നാം നമ്പർ ബോക്​സർ സുൽപിക്കർ മയ്​മയ്​തിയാലിയെ തോൽപിച്ചാണ്​ വിജേന്ദർ അവസാനമായി ചാമ്പ്യൻപട്ടം നിലനിർത്തിയത്​. 

‘പത്താം ജയം തേടി പിങ്ക്​ നഗരത്തിലിറങ്ങുന്നതി​​െൻറ ആവേശത്തിലാണ്​ ഞാൻ. രണ്ടുമാസമായി കഠിന പരിശീലനത്തിലാണ്​. മൂന്നാം കിരീടപോരാട്ടമെന്ന നിലയിൽ ഇൗ മത്സരത്തിന്​ ഏറെ സവിശേഷതയുണ്ട്​’ -വിജേന്ദർ പറഞ്ഞു.  ഏണസ്​റ്റ്​ അമുസുവി​​െൻറ കരിയറിലെ 26ാം മത്സരമാണ്​ വിജേന്ദറിനെതിരെ. ജയിച്ച 23ൽ 21ഉം നോക്കൗട്ടിലൂടെയായിരുന്നു. ര​ണ്ട്​ പോരാട്ടങ്ങളിൽ തോൽവിയും വഴങ്ങി. മത്സരത്തിന്​ മുമ്പായി എതിരാളിക്ക്​ വാക്കുകൾകൊണ്ട്​ പഞ്ച്​ സമർപ്പിച്ചാണ്​ ഏണസ്​റ്റോയുടെ വരവ്​. ‘വിജേന്ദർ ഇതുവരെ തോറ്റിട്ടില്ലായിരിക്കും. പക്ഷേ, എന്നെപ്പോലെ പരിചയ സമ്പന്നനായ എതിരാളിയെ അദ്ദേഹം ഇതുവരെ നേരിട്ടിട്ടില്ല. ഇൗ മത്സരത്തോടെ പ്രഫഷനൽ ബോക്​സിങ്​ റിങ്​​ എത്ര കടുത്തതാണെന്ന്​ വിജേന്ദർ തിരിച്ചറിയും’ -ഏണസ്​റ്റോ പോരിനു മു​േമ്പ വിജേന്ദറിന്​ മുന്നറിയിപ്പ്​ നൽകി.