കാലിക്കറ്റ് യൂനിവേഴ്സിറ്റി ഖൊ- ഖൊ ചാമ്പ്യൻഷിപ്പ്: തിരൂർ തുഞ്ചൻ കോളേജ് ജേതാക്കൾ

തൃശൂർ: ക്രൈസ്റ്റ് കോളേജിൽ വെച്ച് നടന്ന കാലിക്കറ്റ് യൂനിവേഴ്സിറ്റി ഇന്റർ സോൺ പുരുഷ ഖൊ- ഖൊ ചാമ്പ്യൻഷിപ്പിൽ തിരൂർ തുഞ്ചൻ ഗവൺമെന്റ് കോളേജ് ജേതാക്കളായി. ഫൈനലിൽ കോഴിക്കോട് ആർട്സ് കോളെജിനെയാണ് പരാജയപ്പെടുത്തിയത്. തുടർച്ചയായി രണ്ടാം തവണയാണ് തുഞ്ചൻ കോളെജ് ഈ നേട്ടം സ്വന്തമാക്കുന്നത്. ഇരിങ്ങാലക്കുട  ക്രൈസ്റ്റ് കോളേജ് മൂന്നാം സ്ഥാനത്തും പാലക്കാട് വിക്ടോറിയ കോളെജ് നാലാം സ്ഥാനത്തുമെത്തി. തുഞ്ചൻ ഗവൺമെന്റ് കോളേജിലെ ശ്രീബിൻ കെ.പിയാണ് ടൂർണമെൻറിലെ മികച്ച കളിക്കാരൻ.