Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightOther Gameschevron_rightTennischevron_rightമെസ്സിയെയും...

മെസ്സിയെയും റൊണാൾഡോയെയും പിന്തള്ളി ഏറ്റവും കൂടുതൽ പ്രതിഫലം പറ്റുന്ന കായിക താരമായി ഫെഡറർ 

text_fields
bookmark_border
മെസ്സിയെയും റൊണാൾഡോയെയും പിന്തള്ളി ഏറ്റവും കൂടുതൽ പ്രതിഫലം പറ്റുന്ന കായിക താരമായി ഫെഡറർ 
cancel

ലണ്ടന്‍:  ലോകത്ത് ഏറ്റവും കൂടുതല്‍ പ്രതിഫലം പറ്റുന്ന കായിക താരങ്ങളുടെ പട്ടികയില്‍ ഒന്നാം സ്ഥാനം സ്വന്തമാക്കി ടെന്നീസ് ഇതിഹാസം റോജര്‍ ഫെഡറര്‍. ലോക ഫുട്​ബാളിലെ മിന്നും താരങ്ങളായ ക്രിസ്​റ്റ്യാനോ റൊണാൾഡോയെയും ലയണൽ മെസ്സിയെയും പിന്തള്ളിയാണ്​ ഫെഡറർ ഫോബ്​സ്​ മാസിക പുറത്തിറക്കിയ പട്ടികയിൽ ഒന്നാമതെത്തിയത്​. ഇതോടെ ഫോബ്​സ്​ പട്ടികയില്‍ ഒന്നാം സ്ഥാനത്തെത്തുന്ന ആദ്യ ടെന്നീസ് താരമെന്ന നേട്ടം ഫെഡറര്‍ സ്വന്തമാക്കി. കോവിഡ്​ വ്യാപനം മൂലം ​ക്രിസ്​റ്റ്യാനോയുടെയും മെസ്സിയുടെയും പ്രതിഫലം വെട്ടിച്ചുരുക്കിയതാണ്​ ഫെഡറർക്ക്​ അനുഗ്രഹമായത്​. 

കഴിഞ്ഞ വർഷം 106.3 ദശലക്ഷം ഡോളറാണ് (ഏകദേശം 802 കോടി രൂപ) ഫെഡറര്‍ സമ്പാദിച്ചത്. പരസ്യ വരുമാനമാനത്തിലൂടെയുള്ള 100 ദശലക്ഷം ഡോളറിൻെറ (ഏകദേശം 755 കോടി രൂപ) ​ബലത്തിലാണ്​ നാല്​ സ്​ഥാനങ്ങൾ കയറി ഫോബസ്​ പട്ടികയിൽ ഫെഡറർ ആദ്യമായി ഒന്നാമതെത്തിയത്​. 
റൊണാള്‍ഡോ (105 ദശലക്ഷം), മെസ്സി (104 ദശലക്ഷം), നെയ്​മര്‍ (95 ദശലക്ഷം), അമേരിക്കന്‍ ബാസ്‌ക്കറ്റ്‌ബാള്‍ താരം ലിബ്രോണ്‍ ജെയിംസ് (88.2 ദശലക്ഷം) എന്നിവരാണ് ആദ്യ അഞ്ച് സ്ഥാനങ്ങളിലെത്തിയത്​. 

ജാപ്പനീസ്​ ടെന്നിസ്​ താരം നവോമി ഒസാക്കയാണ് (37.4 ദശലക്ഷം ഡോളർ)​ ഏറ്റവും കൂടുതൽ പ്രതിഫലം പറ്റുന്ന വനിത കായിക താരം. അമേരിക്കൻ ടെന്നിസ്​ ഇതിഹാസം സെറീന വില്യംസിനെയാണ് (36 ദശലക്ഷം ഡോളർ)​ ഒസാക്ക മറികടന്നത്​. 29ാം സ്​ഥാനത്തുള്ള ഒസാക്കയും 33ാം സ്​ഥാനത്തുള്ള സെറീനയും മാത്രമാണ്​ പട്ടികയിൽ ഇടം പിടിച്ച വനിത താരങ്ങൾ. 

66ാം സ്ഥാനത്തുള്ള വിരാട് കോഹ്​ലി മാത്രമാണ് പട്ടികയില്‍ ഇടംനേടിയ ഏക ക്രിക്കറ്റ് താരം. 26 ദശലക്ഷം ഡോളറാണ്​ (ഏകദേശം 196 കോടി രൂപ) ഇന്ത്യൻ നായകൻെറ വരുമാനം. ഇതില്‍ 24 ദശലക്ഷം ഡോളറും പരസ്യത്തിലൂടെ നേടിയതാണ്​. കൂടുതല്‍ പ്രതിഫലം പറ്റുന്ന ആദ്യ 100 കായിക താരങ്ങളില്‍ 35 പേരും ബാസ്‌കറ്റ് ബാള്‍ കളിക്കാരാണ്. അമേരിക്കന്‍ ഫുട്‌ബാളില്‍ നിന്ന്​ 31 പേരും ഫുട്‌ബോളില്‍ നിന്നും 14 താരങ്ങളും ഇടംപിടിച്ചു. ടെന്നീസ് (ആറ്​), ബോക്‌സിങ് (അഞ്ച്​), ഗോള്‍ഫ് (നാല്​), മോട്ടോര്‍ റെയ്‌സിങ് (മൂന്ന്​) എന്നിങ്ങനെയാണ്​ മറ്റ്​ കായിക ഇനങ്ങളിലെ താരങ്ങൾ പട്ടികയിൽ ഇടം പിടിച്ചത്​.
 

Show Full Article
TAGS:roger federer cristiano ronaldo messi neymar forbes highest paid athlete Naomi Osaka virat kohli football tennis sports news 
Next Story