14 വർഷത്തെ പ്രണയം; റാഫേൽ നദാലും കാമുകിയും വിവാഹിതരാകുന്നു

മാഡ്രിഡ്: ടെന്നീസിലെ സൂപ്പർ താരം റാഫേൽ നദാലും ദീർഘകാല കാമുകി മരിയ ഫ്രാൻസിസ്ക പെറെലോയും വിവാഹിതരാകുന്നു. കഴിഞ്ഞ വർഷം മെയ് മാസത്തിൽ റോമിൽ വെച്ച് ഇവരുടെ വിവാഹ നിശ്ചയം കഴിഞ്ഞിരുന്നു. കുടുംബാംഗങ്ങളും അടുത്ത സുഹൃത്തുക്കളും മാത്രമായിരുന്നു ഈ ചടങ്ങിനുണ്ടായിരുന്നത്.

ടെന്നീസിൽ മത്സരങ്ങൾ അധികമില്ലാത്ത ഒക്ടോബർ, നവംബർ, ഡിസംബർ മാസത്തിലാകും വിവാഹം. നദാലും പെരെലോയും കഴിഞ്ഞ 14 വർഷമായി പ്രണയത്തിലാണ്. ബിസിനസ് ബിരുദമുള്ള പെരെലോ മാനാകോറിലെ റാഫാൽ നദാൽ അക്കാദമിയിൽ ആണ് ജോലി ചെയ്യുന്നത്.