Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightOther Gameschevron_rightTennischevron_rightആസ്​ട്രേലിയൻ ഒാപൺ:...

ആസ്​ട്രേലിയൻ ഒാപൺ: സിലിച്ച്​ ഫൈനലിൽ

text_fields
bookmark_border
cilic
cancel

മെൽബൺ: ആസ്​ട്രേലിയൻ ഒാപൺ കലാ​ശപ്പോരിൽ ഇടംപിടിക്കുന്ന ആദ്യ ക്രൊയേഷ്യക്കാരനാവണം എന്ന സിലിച്ചി​​െൻറ ആഗ്രഹം വഴിമാറിയില്ല. സെമിഫൈനൽ പോരാട്ടത്തിൽ ബ്രിട്ട​​െൻറ അവസാന പ്രതീക്ഷയായിരുന്ന കിലെ എഡ്​മുണ്ടിനെ അനായാസം മറികടന്ന്​ മാരിൻ സിലിച്ചി​​െൻറ ജൈത്രയാത്ര. 6-2, 7-6, 6-2 എന്ന സ്​കോറിനാണ്​ എഡ്​മുണ്ടിനെതിരെ ​ആറാം സ്വീഡ്​ താരം കളി ജയിച്ചത്​. റോജർ ഫെഡറർ - ചുങ്​ ഹിയോൺ സെമിഫൈനലിലെ വിജയികളാവും ഫൈനലിൽ സിലിച്ചി​​െൻറ എതിരാളി.

 വനിതകളിൽ ലോക ഒന്നാം നമ്പർ താരം സിമോണ ഹാലെപ്​ മുൻ ചാമ്പ്യൻ എയ്​ഞ്ചലിക്​ കെർബറെ തോൽപിച്ച്​ ഫൈനലിൽ കടന്ന​പ്പോൾ,  എലിസ്​ മെർട്ടിനസിനെ തോൽപിച്ച്​ സ്വിറ്റ്​സർലൻഡ്​ താരം വോസ്​നിയാക്കിയും കൊട്ടിക്കലാശത്തിലെത്തി. ഒാപൺ യുഗത്തിലെ 50ാം ആസ്​ട്രേലിയൻ ഒാപൺ ഫൈനലിൽ ഇതോടെ ഹാലെപ്​​​​^വോസ്​നിയാക്കി സൂപ്പർ പോരാട്ടമായി. മുൻ ചാമ്പ്യനും 21ാം സ്വീഡുമായ ആഞ്ചലിക്​ കെർബറെ 6-3, 4-6, 9-7 സ്​കോറിനാണ്​ ഹാലെപ്​ തോൽപിച്ചത്​.

അതേസമയം, ഡാനിഷുകാരി ലോക രണ്ടാം നമ്പർ താരം വോസ്​നിയാക്കി 6-3, 7-6 സ്​കോറിനാണ്​ ബെൽജിയം താരം  മെർട്ടൻസിനെ തോൽപിച്ചത്​.

റാഫേൽ നദാലിനെ തറപറ്റിച്ച അതേ വീര്യം തന്നെയായിരുന്നു സിലിച്ച്​ സെമിയിൽ പുറത്തെടുത്തത്​. ഫോർഹാൻഡ്​ ഷോട്ടുകളും വിന്നറുകളും പായിച്ച സിലിച്ചിനു മുന്നിൽ പിടിച്ചുനിൽക്കാൻ 49ാം റാങ്കുകാരനായ എഡ്​മുണ്ടിനായില്ല. ആദ്യത്തെയും രണ്ടാമത്തെയും സെറ്റ്​ സിലിച്ച്​ അനായാസം നേടിയപ്പോൾ രണ്ടാം സെറ്റ്​ ടൈബ്രേക്കറിൽ പിടിച്ചെടുക്കുകയായിരുന്നു. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:australian openfinalmalayalam newssports newsMarin Cilic
News Summary - Marin Cilic's run to the Australian Open final
Next Story