സാനിയ-ഹിംഗിസ് സഖ്യം സെമിയില്‍

ന്യൂയോര്‍ക്ക്: സാനിയ മിര്‍സ^മര്‍ട്ടീന ഹിംഗിസ് സഖ്യം യു.എസ് ഓപ്പണ്‍ ടെന്നീസ് വനിതാ ഡബിള്‍സ് സെമിയില്‍ പ്രവേശിച്ചു. ചൈനീസ് തായ്പേയി താരങ്ങളായ യുംഗ് ജാന്‍ ചാന്‍^ഹോ ചിംഗ് ചാന്‍ സഖ്യത്തെയാണ് ഇന്ത്യാ^സ്വിസ് ജോഡി പരാജയപ്പെടുത്തിയത്. സ്കോര്‍-7^6, 6^1.
ഇറ്റലിയുടെ 11-ാം സീഡ് സാറ ഇറാനി^ഫ്ളാവിയ പെന്നേറ്റ ജോഡിയാണ് സെമിയിലെ എതിരാളികള്‍. 85 മിനിറ്റ് നീണ്ട മത്സരത്തിന്‍െറ ആദ്യ സെറ്റില്‍ കനത്ത പോരാട്ടമാണ് ഇന്ത്യാ^സ്വിസ് സഖ്യം നേരിടേണ്ടി വന്നത്. എന്നാല്‍ രണ്ടാം സെറ്റ് അനായാസം ജയിച്ചു ഇരുവരും സെമി പ്രവേശനം സാധ്യമാക്കി.