പ്രോ വോളി താര ലേലം: രഞ്ജിത് സിങ് (13ലക്ഷം), മുത്തുസാമി (10), സി.കെ. രതീഷ് (9.8) വിലകൂടിയവർ
text_fieldsന്യൂഡൽഹി: കോർട്ടിൽ ആവേശത്തിെൻറ സ്മാഷുതിർത്ത് പ്രോവോളി ചാമ്പ്യൻഷിപ്പിെൻറ താരലേലം. െഎ.പി.എൽ മാതൃക യിൽ നടക്കുന്ന പോരാട്ടത്തിെൻറ ആദ്യഘട്ടമായി താരലേലം നടന്നപ്പോൾ ഒാരോ കളിക്കാർക്കുമായി ലക്ഷങ്ങൾ വാരിയെറി ഞ്ഞ് ടീമുകളും. 13 ലക്ഷം രൂപക്ക് അഹ്മദാബാദ് ഡിഫൻഡേഴ്സ് സ്വന്തമാക്കിയ ഇന്ത്യൻ താരം രഞ്ജിത് സിങ് ലീഗിലെ പൊന്നുംവിലയുള്ള കളിക്കാരനായിമാറി. കേരള താരങ്ങളായ മുത്തുസാമി (10 ലക്ഷം), സി.കെ. രതീഷ് കുമാർ (9.8) എന്നിവരാണ് തൊട് ടുപിന്നിലുള്ളവർ. 117 ഇന്ത്യൻ താരങ്ങളുടെ ഡ്രാഫ്റ്റിൽ നിന്നാണ് ആറ് ടീമുകൾ കളിക്കാരെ വിളിച്ചെടുത്തത്.
കേരളത്തിൽനിന്നുള്ള കൊച്ചി ബ്ലൂ സ്പൈക്കേഴ്സ് െഎക്കൺ താരങ്ങളായ എസ്. പ്രഭാകരൻ, എം. ഉക്രപാണ്ഡ്യൻ എന്നിവരെ സ്വന്തമാക്കിയപ്പോൾ കാലിക്കറ്റ് ഹീറോസ് ഇന്ത്യൻ താരം ജെറോം വിനീതിനെ െഎക്കൺ താരമാക്കി. ഇരു ടീമുകളും ഒരു വിദേശിയടക്കം 11 പേരെയാണ് ടീമിലെത്തിച്ചത്. 12 വരെ കളിക്കാരെ സ്വന്തമാക്കാൻ അനുമതിയുണ്ട്. ഡ്രാഫ്റ്റിനായി ഉൾപ്പെടുത്തിയ ആറ് വിദേശ താരങ്ങളെ ആറ് ടീമും സ്വന്തമാക്കി. ഡ്രാഫ്റ്റിലുണ്ടായിരുന്ന ടോം ജോസഫിനെ ആരും സ്വന്തമാക്കിയില്ല. ഫെബ്രുവരി രണ്ട് മുതൽ ചെന്നൈയിലും കൊച്ചിയിലുമായാണ് മത്സരങ്ങൾ. ടൂർണമെൻറിന് സോണി സിക്സിൽ തത്സമയ സംപ്രേഷണമുണ്ടാവും.
ഡേവിഡ് ലീ കൊച്ചിയിൽ
2008 ബെയ്ജിങ് ഒളിമ്പിക്സിൽ സ്വർണവും 2016 റിയോയിൽ വെങ്കലവും നേടിയ അമേരിക്കൻ ടീമിെൻറ സൂപ്പർതാരം ഡേവിഡ് ലീയെ കൊച്ചി ബ്ലൂ സ്പൈക്കേഴ്സ് സ്വന്തമാക്കി. ഒരു ലോകകപ്പ്, രണ്ട് വേൾഡ് ലീഗ് സ്വർണവും പാൻ അമേരിക്ക ഗെയിംസിൽ വെള്ളിയും നേടിയ താരമാണ് 36 കാരനായ ലീ. ആറടി എട്ടിഞ്ച് ഉയരക്കാരനായ ലീ മിഡ്ൽ േബ്ലാക്കർ പൊസിഷനിലെ സൂപ്പർ താരംകൂടിയാണ്.
ടീം കൊച്ചി (വില ലക്ഷത്തിൽ)
െഎക്കൺ: എസ്. പ്രഭാകരൻ (12), എം. ഉക്രപാണ്ഡ്യൻ (8.75). വിദേശ താരം: ഡേവിഡ് ലീ (അമേരിക്ക).
സീനിയർ ഇന്ത്യൻ: പി. രോഹിത് (3), മനു ജോസഫ് (4.2)
നാഷനൽ: കെ. പ്രവീർ കുമാർ (3.1), സുരേഷ് ചന്ദ്ര (1.8), ഹരിപ്രസാദ് (1), മുജീവ് (1).
അണ്ടർ 21: സുജയ് ദത്ത (1.5), അങ്കുർ സിങ് (1).
കാലിക്കറ്റിന് ലോട്മാൻ
അമേരിക്കയുടെ മറ്റൊരു ലോകചാമ്പ്യൻ ടീമംഗത്തെ സ്വന്തമാക്കിയാണ് കാലിക്കറ്റ് ഹീറോസിെൻറ ഒരുക്കം. 2015 ലോകകപ്പ്, 2014 വേൾഡ് ലീഗ്, 2008 പാൻ അമേരിക്ക എന്നിവർ സ്വർണം നേടിയ ലോട്മാൻ സർവുകളുടെയും ഹിറ്റുകളുടെയും സൂപ്പർമാനായാണ് കാലിക്കറ്റിനൊപ്പം ചേരുന്നത്. മലയാളി താരം സി.കെ. രതീഷിനാണ് ടീം ഏറ്റവും കൂടുതൽ കാശിറക്കിയത് (9.8 ലക്ഷം).
ടീം കാലിക്കറ്റ്
െഎക്കൺ: ജെറോം വിനീത് (8 ലക്ഷം).
വിദേശം: പോൾ ലോട്മാൻ (അമേരിക്ക)
സീനിയർ ഇന്ത്യൻ: അജിത് ലാൽ (8.6), കാർത്തിക് (5.8).
നാഷനൽ: സി.കെ. രതീഷ് (9.8), വിപുൽ കുമാർ (3), എൽ.എം മനോജ് (3), നവീൻ കുമാർ (1), ജിതു തോമസ് (1).
അണ്ടർ 21: ഗഗൻ കുമാർ (1), സഞ്ജയ് (1).
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.