മജ്​സിയക്ക്​ ഇനി തുർക്കിയിലേക്ക്​ പറക്കാം... സഹായവുമായി തലശ്ശേരിയിലെ കായിക പ്രേമികൾ     

തലശ്ശേരി: തലശ്ശേരിയിലെ കായികപ്രേമികൾ കൈകോർത്തു, മജ്​സിയക്ക്​ ഇനി തുർക്കിയിലേക്ക്​ പറക്കാം. തലശ്ശേരി സ്‌പോര്‍ട്സ്​ ഫൗണ്ടേഷ​​െൻറയും ബി.കെ 55 ക്രിക്കറ്റ്് ക്ലബി​​െൻറയും സാമ്പത്തിക സഹായമാണ്​ പഞ്ചഗുസ്​തി താരത്തിന്​ ഒക്​ടോബറിൽ തുര്‍ക്കിയില്‍ നടക്കുന്ന ലോക ചാമ്പ്യന്‍ഷിപ്പില്‍ പ​െങ്കടുക്കാനുള്ള അവസരം ഒരുക്കിക്കൊടുത്തത്​. വടകര ഒാർക്കാ​േട്ടരിയിലെ അബ്​ദുൽ മജീദി​​െൻറയും സറിയ മജീദി​​െൻറയും മകളാണ്​ മജ്​സിയ. 

മേയ്​ മാസം ലഖ്​നോവിൽ നടന്ന ദേശീയ പഞ്ചഗുസ്​തി ചാമ്പ്യൻഷിപ്പിൽ പവർ ലിഫ്​റ്റിങ്ങിൽ സ്വർണമെഡൽ നേടിയാണ്​ ലോക ചാമ്പ്യൻഷിപ്പിലേക്ക്​ അർഹത നേടിയത്​. ജൂ​ൈല​ പത്തിനുള്ളിൽ രണ്ട്​ ലക്ഷം രൂപ കെട്ടിവെച്ചെങ്കിൽ മാത്രമേ ലോക ചാമ്പ്യൻഷിപ്പിൽ പ​െങ്കടുക്കാൻ കഴിയുമായിര​ുന്നുള്ളു. ഇൗ തുക നൽകാൻ നേരത്തെ സ്‌പോണ്‍സര്‍മാര്‍ മുന്നോട്ടുവന്നിരുന്നു. അവസാന നിമിഷം അവര്‍ പിന്മാറിയത്​ ഇൗ കായിക പ്രതിഭയുടെ സ്വപ്​നത്തിന്​ ആശങ്ക പടർത്തി.  

ഇതോടെ തുർക്കിയാത്ര അനിശ്ചിതത്വത്തിലായ സാഹചര്യത്തിലാണ് കേരള ക്രിക്കറ്റ് അസോസിയേഷന്‍ അംഗം ബിനീഷ് കോടിയേരി മുന്‍കൈയെടുത്ത്​ മജ്​സിയയുടെ സ്വപ്‌നം സഫലമാക്കുന്നത്. പവർ ലിഫ്​റ്റിങ്ങിൽ ഒ​േട്ടറെ ദേശീയ രാജ്യാന്തര മത്സരങ്ങളിൽ പ​െങ്കടുത്ത മജ്​സിയ ഇതിനകം ഒ​േട്ടറെ മെഡലുകളും സ്വന്തമാക്കിയിട്ടുണ്ട്​.  മാഹി ഇൻസ്​റ്റിറ്റ്യൂട്ട്​ ഒാഫ്​ ​െഡൻറൽ സയൻസ്​ കോളജിലെ ബി.ഡി.എസ്​ അവസാന വർഷ വിദ്യാർഥിനിയാണ്​ ഇരുപത്തിനാലുകാരിയായ മജ്​സിയ. 

തലശ്ശേരി പഴയ ബസ്​സ്​റ്റാൻഡ്​ പരിസരത്തെ ഇ.എം.എസ് മന്ദിരത്തില്‍ നടന്ന ചടങ്ങിൽ അഡ്വ.എ.എന്‍. ഷംസീര്‍ എം.എല്‍.എയിൽ നിന്ന്​ തുക  മജ്​സിയ ഏറ്റുവാങ്ങി​. നഗരസഭ വൈസ്​ ചെയര്‍പേഴ്‌സൻ നജ്മ ഹാഷിം അധ്യക്ഷത വഹിച്ചു.   മുന്‍ നഗരസഭ ചെയര്‍പേഴ്‌സൻ ആമിന മാളിയേക്കല്‍, നഗരസഭ കൗണ്‍സിലര്‍ വാഴയില്‍ വാസു, സ്‌പോര്‍ട്സ്​ ഫൗണ്ടേഷന്‍ സെക്രട്ടറി കെ.എ. ഹമീദ്, ജോ.സെക്രട്ടറി പി.വി. സിറാജുദ്ദീന്‍, സ്‌പോര്‍ട്സ്​ ഫൗണ്ടേഷന്‍ കണ്‍വീനര്‍ കെ.കെ. ബിജു എന്നിവര്‍ സംസാരിച്ചു.