ജോർജ്​ ഫ്ലോയ്​ഡ്​ വധം: പ്രതിഷേധിച്ച ഫുട്​​ബാൾ താരങ്ങൾക്കെതിരെ നടപടിക്ക്​ സാധ്യത  

ബർലിൻ: അമേരിക്കയിൽ പൊലീസി​​​െൻറ വർണവെറിക്കിരയായി മരിച്ച ജോർജ്​ ഫ്ലോയ്​ഡിന്​ നീതി ലഭിക്കണമെന്ന ആവശ്യവുമായി ജർമൻ ബുണ്ടസ്​ലിഗയിൽ പ്രതിഷേധിച്ച താരങ്ങൾക്കെതിരെ നടപടി​ക്ക്​ സാധ്യത. നാല്​ യുവതാരങ്ങളാണ്​ പൊലീസ്​ ക്രൂരതക്കെതിരെ കളിക്കളത്തിൽ പരസ്യമായി പ്രതിഷേധമറിയിച്ചത്​.

ഇവർക്കെതിരെ നടപടി സ്വീകരിക്കുന്നതിന് ബുണ്ടസ് ലിഗ അച്ചടക്ക സമിതിയും ഡി.എഫ്.എഫ് കൺട്രോൾ സമിതിയും അന്വേഷണ സമിതിയെ നിയോഗിച്ചു. ഒന്നു മുതൽ മൂന്നു വരെ കളികളിൽ​ വിലക്ക് അല്ലെങ്കിൽ ഭാരിച്ച പിഴ എന്നിവയാണ്​ നിയമലംഘനങ്ങൾക്കുള്ള സാധാരണ ശിക്ഷ. എന്നാൽ, പ്രത്യേക സാഹചര്യം കണക്കിലെടുത്ത്​ ശാസനയിൽ ഒതുങ്ങാനും സാധ്യതയുണ്ട്​. 

ഇംഗ്ലണ്ടി​​​െൻറ ജേഡൻ സാഞ്ചോ, മൊറോക്കോയുടെ അഷ്​റഫ്​ ഹക്കിമി, ഫ്രാൻസി​​​െൻറ മാർകസ്​ തുറാം, ഷാൽക്കെയുടെ യു.എസ്​ മിഡ്​ഫീൽഡറായ വെസ്​റ്റോൺ മക്കെനി എന്നിവരാണ്​ പ്രതിഷേധിച്ചത്​. ബുണ്ടസ് ലീഗ നിയമം അനുസരിച്ചു കളിക്കിടയിൽ മതപരവും രാഷ്ട്രീയവും ആയ കാര്യങ്ങൾക്കായി  പ്രകടനങ്ങളും പ്രതിഷേധങ്ങളും ഒന്നും അനുവദനീയമല്ല. എന്നാൽ, ഇത്​ രാഷ്ട്രീയ മതപരമായ പ്രകടനങ്ങളായി കണക്കാക്കരുത് എന്നും തികച്ചും മനുഷ്യത്വപരമായ ഇടപെടലായി കൈകാര്യം ചെയ്യണമെന്നും ബുണ്ടസ് ലീഗ പരിശീലകർ അടക്കം അഭിപ്രായപ്പെട്ടിട്ടുണ്ട്. 
 
ബൊറൂസിയ ഡോട്ട്മുണ്ട്​ താരമായ സാഞ്ചൊ പാഡെര്‍ബോണിനെതിരെ ആദ്യ ഗോള്‍ നേടിയതിന് പിന്നാലെയാണ് ജഴ്​സി ഊരിക്കൊണ്ട് തൻെറ നിലപാട്​ വ്യക്​തമാക്കിയത്​. ജഴ്​സിക്കുള്ളിലെ ബനിയനിൽ ജോർജ്​ ഫ്ലോയ്​ഡിന്​ നീതിവേണമെന്ന്​ കൈപ്പടകൊണ്ട്​ രേഖപ്പെടുത്തിയത്​ പ്രദർശിപ്പിച്ചായിരുന്നു സാഞ്ചോയുടെ ആഹ്ലാദ പ്രകടനം. ജഴ്​സി ഊരിയതിന്​ സാഞ്ചോക്ക്​ റഫറിയുടെ വക മഞ്ഞക്കാർഡ്​ ലഭിച്ചു. സാഞ്ചോക്ക്​ മഞ്ഞക്കാർഡ്​ കിട്ടിയെങ്കിലും ഹക്കിമിയും അടങ്ങിനിന്നില്ല.  85ാം മിനിറ്റിൽ ബൊറൂസിയക്കായി നാലാം ഗോൾ നേടിയ ശേഷം ഹക്കിമിയും സമാനമായ രീതിയിൽ തനിക്കു നൽകാനുള്ള സന്ദേശം വ്യക്​തമാക്കി. 

യൂനിയൻ ബർലിനെതിരെ മോൻഷൻഗ്ലാഡ്​ബാഹിനായി രണ്ടാം ഗോള്‍ നേടിയ ശേഷമായിരുന്നു ഫ്രഞ്ച് മുന്നേറ്റക്കാരന്‍ മാർകസ് തുറാം മുട്ടുകുത്തിയിരുന്ന്​ ഫ്ലോയിഡിന് ആദരമര്‍പ്പിച്ചത്​. പൊലീസ്​ അതിക്രമത്തിനും വംശീയ വേർതിരിവിനുമെതിരെ മുൻ സാൻഫ്രാൻസിസ്​കോ താരം കോളിൻ കാപർനിക്​ പുറത്തെടുത്ത പ്രതിഷേധ പ്രകടനത്തിന്​ സമാനമായിരുന്നു തുറാമിൻെറ പ്രതികരണം. മുൻ ഫ്രഞ്ച്​ താരവും വർണവെറിക്കെതിരെ പ്രചാരണം നടത്തുന്ന വ്യക്​തി കൂടിയായ ലിലിയന്‍ തുറാമി​​​െൻറ മകനാണ് മാര്‍ക്കസ് തുറാം. മത്സരത്തില്‍ മോൻഷൻ ഗ്ലാഡ്​ബാഹ്​ 4-1ന് ജയിച്ചു. 

അ​മേ​രി​ക്ക​യി​ലെ മി​നിയ​േ​പാ​ളി​സി​ൽ വ​ർ​ണ​വെ​റി​യ​നാ​യ പൊ​ലീ​സു​കാ​ര​ൻ കാ​ൽ​മു​ട്ടു​കൊ​ണ്ട്​ ക​ഴു​ത്തു​ഞെ​രി​ച്ച്​ കൊ​ല​പ്പെ​ടു​ത്തി​യ ജോ​ർ​ജ്​ ​േഫ്ലാ​യിഡി​ന്​ നീ​തി വേ​ണ​മെ​ന്നാ​വ​ശ്യ​പ്പെ​ടു​ന്ന ആം​ബാ​ൻ​ഡ്​ അ​ണി​ഞ്ഞാ​ണ്​ വെ​സ്​​റ്റ​ൺ മ​കെ​നീ ബു​ണ്ട​സ്​​ലി​ഗ​യെ പ്ര​തി​ഷേ​ധ​വേ​ദി​യാ​ക്കി​യ​ത്. ശ​നി​യാ​ഴ്​​ച രാ​ത്രി വെ​ർ​ഡ​ർ ബ്ര​മ​നെ​തി​രെ ന​ട​ന്ന മ​ത്സ​ര​ത്തി​ലാ​യി​രു​ന്നു അ​മേ​രി​ക്ക​ക്കാ​ര​ൻ കൂ​ടി​യാ​യ താ​ര​ത്തി​​​​​െൻറ പ്ര​തി​ഷേ​ധം. 

തിങ്കളാഴ്​ച രാത്രിയാണ്​ മി​നിയ​​പോ​ളി​സി​ൽ ക​റു​ത്ത​വ​ർ​ഗ​ക്കാ​ര​നാ​യ ജോ​ർ​ജ്​ ഫ്ലോ​യിഡി​നെ പൊ​ലീ​സുകാരൻ കഴുത്തിൽ കാലമർത്തി​ ശ്വാ​സം​മു​ട്ടി​ച്ച്​ കൊ​ല​പ്പെ​ടു​ത്തി​യ​ത്​. അറസ്റ്റിലായ ഡെറിക്​ ഷോവിന്​ എന്ന പൊലീസുകാരനെതിരെ മൂന്നാം മുറ ഉപയോഗിച്ച് കൊലപാതകം നടത്തിയ കുറ്റം ചുമത്തി. പ്രതികളായ നാലുപൊലീസുകാരെയും ജോലിയിൽ നിന്നും പിരിച്ചുവിട്ടിരുന്നു.