ഇനി ലക്ഷ്യം കോമൺവെൽത്ത്​ കിരീടവും ലോകകിരീടവും -വിജേന്ദർ

ജയ്​പുർ: ഇടിക്കൂട്ടിൽ തുടർച്ചയായ പത്താം ജയം സ്വന്തമാക്കിയ ഇന്ത്യയുടെ വിജേന്ദർ സിങ്ങിന്​ ഇനി ലക്ഷ്യം കോമൺവെൽത്ത്​. ആഫ്രിക്കൻ ചാമ്പ്യൻ ഏണസ്​റ്റ്​ അമൂസുവിനെ തോൽപിച്ചതിനു പിന്നാലെയാണ്​ പുതിയ ലക്ഷ്യങ്ങളെക്കുറിച്ച്​ താരം വാചാലനായത്​. ‘‘വിജയത്തോടെ ഇൗ വർഷം അവസാനിപ്പിക്കാനായതിൽ വളരെ സന്തോഷം. ഇനി അടുത്തവർഷം ആദ്യത്തിൽ രണ്ടു ലക്ഷ്യങ്ങളാണുള്ളത്​. കോമൺ വെൽത്ത്​ സൂപ്പർമിഡ്​ൽവെയ്​റ്റ്​ കിരീടവും ലോകകിരീടവും. ജയ്​പുരിൽ എ​​െൻറ ഒരോ പഞ്ചുക​ളോടൊപ്പം നിന്ന ആരാധകർക്ക്​ നന്ദി’’ -വിജേന്ദർ പറഞ്ഞു. ഏണസ്​റ്റ്​ അമൂസുവിനെ പത്ത്​ റൗണ്ട്​ പോരാട്ടത്തിൽ 100-90 പോയൻറിനാണ്​ വിജേന്ദർ ഇടിച്ചിട്ടത്​. ബ്രിട്ട​​െൻറ ലൂക്​ ​ബ്ലാക്​ലെഡ്​ജാണ്​ നിലവിലെ കോമൺവെൽത്ത്​ ചാമ്പ്യൻ.