സുവർണ നേട്ടത്തിൽ മേരി കോം

ഇന്ത്യൻ​ പെൺകൊടികളുടെ വീരപുത്രി എം.സി. മേരികോം ഗോൾഡ്​ കോസ്​റ്റിലും ധീരയായി. അഞ്ചു തവണ ലോകചാമ്പ്യനും ഒളിമ്പിക്​സ്​ വെങ്കല ജേതാവുമായി ഇടിക്കൂട്ടിലെ തീപ്പന്തമായ മേരികോമി​​െൻറ റെക്കോഡ്​ ബുക്കിലേക്ക്​ ആദ്യമായി കോമൺവെൽത്ത്​ ഗെയിംസ്​ സുവർണ മെഡലുമെത്തി. ആദ്യമായി കോമൺവെൽത്ത്​ ഗെയിസിനെത്തിയ മേരികോം സ്വർണനേട്ടത്തോടെ ​ഇന്ത്യയുടെ ആദ്യ ​വനിത ചാമ്പ്യൻ എന്ന റെക്കോഡിനും ഉടമയായി. 

2014ൽ വനിത ബോക്​സിങ്​ കോമൺവെൽത്ത്​ ഗെയിംസിൽ അരങ്ങേറിയെങ്കിലും അന്ന്​ റിങ്ങിൽ പൂരം തീർക്കാൻ മേരികോമില്ലായിരുന്നു. ഇക്കുറി ആദ്യമത്സരത്തിനെത്തിയ അവർ ഇന്ത്യയു​െട ആദ്യ വനിത സ്വർണജേതാവുമായി. 48 കിലോ വിഭാഗം ഫൈനലിൽ നോർത്തേൺ അയർലൻഡി​​െൻറ ക്രിസ്​റ്റീന ഒഹാരയെ ഏകപക്ഷീയമായാണ്​ ഇവർ ഇടിച്ചുവീഴ്​ത്തിയത് (5-0)​. മൂന്നു​ മക്കളുടെ അമ്മയും 35കാരിയുമായിരിക്കെയാണ്​ മേരികോമി​​െൻറ സുവർണ നേട്ടം. 

2002ൽ ആദ്യമായി ലോകചാമ്പ്യനായി ഉദിച്ചുയർന്ന മണിപ്പൂരി ‘മാഗ്​നിഫിഷ്യൻറ്​ മേരി’ 16 വർഷത്തിനിപ്പുറവും അസാധ്യ കരുത്തുമായി റിങ്​ അടക്കിവാഴുന്നു. നിലവിൽ രാജ്യസഭാംഗം കൂടിയാണ്​ ഇവർ. മേരികോമി​​െൻറ സുവർണ നേട്ടത്തെ രാഷ്​ട്രപതി രാംനാഥ്​ കോവിന്ദ്​, ഉപരാഷ്​ട്രപതി വെങ്കയ്യ നായിഡു, കായിക മന്ത്രി എന്നിവർ അഭിനന്ദിച്ചു. പുരുഷ വിഭാഗത്തിൽ ഗൗരവ്​ സോളങ്കി (52 കി), വികാസ്​ കൃഷൻ (75 കി) എന്നിവരാണ്​ ​ശനിയാഴ്​ചത്തെ മറ്റു സ്വർണനേട്ടക്കാർ. സതിഷ്​ കുമാർ, അമിത്​, മനിഷ്​ കൗശിക്​ എന്നിവർ വെള്ളിയണിഞ്ഞു.