കേരള വോളിബാൾ ടീം മുൻ ക്യാപ്​റ്റൻ ഡാനിക്കുട്ടി ഡേവിഡ്​ അന്തരിച്ചു

തിരുവനന്തപുരം: കേരള വോളിബാൾ ടീം മുൻ ക്യാപ്​റ്റൻ ഡാനിക്കുട്ടി ഡേവിഡ്​ അന്തരിച്ചു. പത്തനംതിട്ട മല്ലശ്ശേരി സ്വദേശിയാണ്​. കരൾ രോഗ ബാധിതനായി രണ്ടാഴ്​ചയായി തിരുവല്ല ബിലീവേഴ്​സ്​ ആശുപത്രിയിൽ ചികിത്സയിലായിരുന്നു. 

80കളിലും 90 കളുടെ തുടക്കത്തിലും കേരള വോളിബാളിൽ നിറഞ്ഞിരുന്ന താരമായിരുന്നു ഡാനിക്കുട്ടി ഡേവിഡ്. ടൈറ്റാനിയത്തിനും കേരളത്തിനും വേണ്ടി പലവട്ടം ജേഴ്സിയണിഞ്ഞു. കോഴഞ്ചേരി സ​െൻറ്​ തോമസ്​ കോളജ്​ ടീമിലൂടെയായിരുന്നു വോളിബാൾ ജീവിതത്തി​​െൻറ തുടക്കം.

ദേശീയ സീനിയർ വോളിബാൾ ചാമ്പ്യൻഷിപ്പുകളിൽ 11 തവണ കളിച്ചു. 1981-82 മുതൽ 92-93 വരെ. 1981-82ൽ വാറങ്കലിൽ നടന്ന ഇൻറർ വാഴ്സിറ്റി വോളിബാളിൽ കേരള സർവകലാശാല ജേതാക്കളായപ്പോൾ ഡാനിക്കുട്ടിയായിരുന്നു നായകൻ. പിന്നാലെ കേരള സീനിയർ ടീമിലെ സ്ഥിരം സാന്നിധ്യമായി. 1985 ൽ ദേശീയ ചാമ്പ്യൻഷിപ്പിൽ കേരളത്തി​​െൻറ ക്യാപ്റ്റനായിരുന്നു. അതേ വർഷം ഡൽഹി നാഷനൽ ഗെയിംസിൽ സ്വർണം നേടിയ കേരള ടീമിൽ ഡാനിക്കുട്ടിയുമുണ്ടായിരുന്നു. 1992-93ൽ ടൈറ്റാനിയം ഫെഡറേഷൻ കപ്പ് നേടി മികച്ച താരമായി. 17 ദിവസം മുമ്പാണ് ടൈറ്റാനിയത്തിൽ നിന്ന് വിരമിച്ചത്.