തലയുയർത്തി സൗദിയുടെ മടക്കം

ജിദ്ദ: പ്രതീക്ഷക്കൊത്ത്​ ഉയരാനായില്ലെങ്കിലും ​േലാകകപ്പിൽ നിന്ന്​ സൗദിയുടെ മടക്കം തലയുയർത്തി തന്നെ. അവസാന മത്സരത്തിൽ ഇൗജിപ്​തിനെ തകർത്ത്​ സൗദി വിടവാങ്ങി. ആദ്യകളിയിൽ റഷ്യയോട്​ ഏറ്റ വൻ പരാജയത്തോടെ മങ്ങിപ്പോയ ടീമിന്​ അഭിമാനത്തോടെ മടങ്ങാൻ സലിം അൽ ദോസരിയുടെ അവസാന നിമിഷത്തിലെ ഗോൾ കൊണ്ട്​ അവസരമൊരുക്കുകയായിരുന്നു. കാൽനൂറ്റാണ്ടിന്​ ശേഷമാണ്​ സൗദി അറേബ്യ ലോകകപ്പിൽ ഒരുകളി ജയിക്കുന്നത്​. എ ഗ്രൂപ്പിൽ റഷ്യക്കും ഉറു​േ​ഗ്വക്കും പിന്നാലെ മൂന്നാമതായി ഫിനിഷ്​ ചെയ്യുകയും ചെയ്​തു. ഇൗജിപ്​താണ്​ നാലാമത്​.

ഇരുടീമുകളും യോഗ്യത നേടാതെ നേരത്തെ തന്നെ പുറത്തായതിനെ തുടർന്ന്​ അപ്രസ്​കതമായ മത്സരമായിരുന്നു വോൾഗോഗ്രാഡിൽ അരങ്ങേറിയത്​. പൊതുവെ സൗദിയുടെ ആധിപത്യം കണ്ട കളിയിൽ 22ാം മിനിട്ടിൽ മുഹമ്മദ്​ സലാ ഇൗജിപ്​തിനെ മുന്നിലെത്തിച്ചു. 45 ാം വയസിൽ കളിക്കാനിറങ്ങി ലോകകപ്പിലെ ഏറ്റവും പ്രായമേറിയ കളിക്കാ​രനെന്ന ​റെക്കോഡ്​ സ്വന്തമാക്കിയ ഇൗജിപ്​ഷ്യൻ ​േഗാളി ഇസ്സാം അൽ ഹദാരിയുടെ പ്രകടനമായിരുന്നു പിന്നെ. 23 മിനിട്ട്​ അൽ ഹദാരി ഇൗജിപ്​തി​​​െൻറ ലീഡ്​ നിലനിർത്തി. 41ാം മിനിട്ടിൽ ഇൗജിപ്​ത്​ താരത്തി​​​െൻറ ഹാൻഡ്​ബോളിന്​ ലഭിച്ച പെനാൽറ്റിയും ഇസ്സാം സേവ്​ ചെയ്​തു. ഫഹദ്​ അൽ മുവല്ലദ്​ എടുത്ത കിക്ക്​ ഇസ്സാം തട്ടിയകറ്റി. മിനിട്ടുകൾക്കപ്പുറം ഒന്നാം പകുതിയുടെ ഇൻജുറി ടൈമിൽ സൗദിക്ക്​ വീണ്ടും പെനാൽറ്റി. ഇസ്സാം അൽ ഹദാരിയുടെ പ്രായത്തെ തോൽപിച്ച്​ സൽമാൻ അൽ ഫറാജ്​ അത്​ വലയിലെത്തിച്ചു. (1^1). സമനിലയുടെ ആശ്വാസത്തിൽ ഇരുടീമുകളും പകുതിക്ക്​ പിരിഞ്ഞു. രണ്ടാം പകുതിയും സൗദിയുടെ മുന്നേറ്റമാണ്​ കൂടുതൽ കണ്ടത്​.

കളിയിലെ ബോൾ പൊസഷനിൽ തന്നെ സൗദി ആധിപത്യവും വ്യക്​തമായിരുന്നു. 65 ശതമാനം നേരവും സൗദിയുടെ പക്കൽ തന്നെയായിരുന്നു പന്ത്​. ലക്ഷ്യത്തിലേക്ക്​ സൗദി എട്ടുതവണ ഉന്നം വെച്ചപ്പോൾ ഒരു ഷോട്ട്​ മാത്രമാണ്​ ഇൗജിപ്​തിന്​ തൊടുക്കാനായത്​. ഏഴുകോർണറുകൾ സൗദി സമ്പാദിച്ച​േപ്പാൾ ഇൗജിപ്​തിന്​ കിട്ടിയത്​ ര​ണ്ടെണ്ണം മാത്രം. രണ്ടാം പകുതിയിലും അൽഹാദരിയുടെ പോസ്​റ്റിന്​ മുന്നിലെ പ്രകടനമാണ്​ സൗദിയെ ഗോളിൽ നിന്ന്​ അകറ്റി നിർത്തിയത്​. ഗോളെന്നുറച്ച ഹുസൈൻ അൽ മുഗാവിയുടെ തകർപ്പൻ ഹെഡർ വലംകൈ കൊണ്ട്​ വായുവിൽ ഉയർന്ന്​ അൽഹാദരി കുത്തിയകറ്റിയത്​ അവിശ്വസനീയമായിരുന്നു. 

ക്രമേണ കളി ഇൗജിപ്​തി​​​െൻറ വരുതിയിലേക്ക്​ പോകുകയാണെന്ന്​ തോന്നിച്ചു. അവസാന മിനിട്ടുകളിൽ രണ്ടു ഫ്രീകിക്കുകൾ നേടി സൗദി ഒടുവിലത്തെ ഇരമ്പലിന്​ കോപ്പുകൂട്ടി. ഇൻജുറി ടൈമിൽ അവസാന നിമിഷങ്ങളിൽ അൽഹാദരിയു​െട പ്രതിരോധം തകർന്നു. ബോക്​സി​​​െൻറ വലതുപാർശ്വത്തിലൂടെ മുന്നേറിയെത്തിയ സലിം അൽ ദോസരിയുടെ ഷോട്ട്​ ഇൗജിപ്​തി​​​െൻറ വല ചലിപ്പിച്ചു. (2^1). സൗദിയുടെ ലോകകപ്പ്​ കാമ്പയിന്​ വിജയത്തോടെ സമാപ്​തി.