കക്കക്ക് മഞ്ഞക്കാർഡ് നൽകി വനിത റഫറിയുടെ സെൽഫി-VIDEO
text_fieldsഹൈഫ: ബ്രസീലിൻെറ എക്കാലത്തേയും ഇതിഹാസ താരങ്ങളിലൊരാളായ കക്കക്ക് ഇപ്പോഴും ആരാധകരേറെയാണ്. ആരാധന മൂത്ത് ഗ്രൗണ്ടിന് നടുവിൽ കക്കയോടൊപ്പം സെൽഫിയെടുത്തിരിക്കുകയാണ് മൽസരം നിയന്ത്രിച്ച വനിതാ റഫറി. ഇസ്രായേലിലെ ഹൈഫയിൽ നടന്ന ബ്രസീൽ-ഇസ്രായേൽ പ്രദർശന മൽസരത്തിനിടെയാണ് സംഭവം.
പ്രത്യേകിച്ച് കാരണമൊന്നുമില്ലാതെയായിരുന്നു റഫറി കക്കക്ക് നേരെ മഞ്ഞക്കാർഡ് നീട്ടിയത്. റഫറിയുടെ പെട്ടെന്നുള്ള നീക്കത്തിൽ കക്കയും എതിർ ടീമിലെ താരങ്ങൾ വരെ ഒന്ന് അമ്പരന്നു. പിന്നീട് റഫറി സെൽഫിയെടുക്കാനായി മൊബൈൽ എടുത്തതോടെ ചിരിയോടെ കക്ക വനിത റഫറിക്കൊപ്പം പോസ് ചെയ്തു. സെൽഫിയെടുക്കാനായിരുന്നോ റഫറി മഞ്ഞക്കാർഡ് നൽകിയതെന്നാണ് സംശയം. എതായാലും റഫറിയുെട അപ്രതീക്ഷിത നീക്കം മറ്റ് കളിക്കാരും നന്നായി ആസ്വദിച്ചു.
ബ്രസീൽ-ഇസ്രായേൽ സൗഹൃദ മൽസരത്തിന് സാക്ഷികളാകാൻ 28,000 കാണികളാണ് സ്റ്റേഡിയത്തിലെത്തിയത്. മൽസരത്തിൽ ഇസ്രായേലിനെ 4-2ന് ബ്രസീൽ തോൽപ്പിച്ചു. ബ്രസീലിൻെറ സൂപ്പർ താരങ്ങളായ റോണോൾഡീഞ്ഞ്യോ, ബെബേറ്റോ, റോബർട്ടോ കാർലോസ്, റിവാൾഡോ, കഫു, എമേഴ്സൺ തുടങ്ങിയ താരങ്ങളും മൽസരത്തിൽ പങ്കെടുത്തിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.