വെയ്ൻ റൂണി മാഞ്ചസ്റ്റർ വിട്ടു; ഇനി എവർട്ടണിൽ

ലണ്ടൻ: ഒരു പതിറ്റാണ്ടിലേറെയായി മാഞ്ചസ്​റ്റർ യുനൈറ്റഡ്​ മുന്നേറ്റങ്ങൾക്ക്​ മൂർച്ചകൂട്ടിയ ​ഇംഗ്ലീഷ്​ താരം വെയ്​ൻ റൂണി ഇനി നീല ജഴ്​സിയിൽ. ത​​െൻറ ആദ്യകാല ക്ലബായ എവർട്ടൺ എഫ്​.സിക്കു വേണ്ടിയാവും ലോകത്തെ മികച്ച സ്​ട്രൈക്കർമാരിലൊരാളായ താരം പുതിയ സീസണിൽ പന്തു തട്ടുക. എവർട്ടണി​​െൻറ സ്​റ്റാർ സ്ട്രൈക്കർ റൊമേലു ലുകാകു മാഞ്ചസ്​റ്ററിലേക്ക്​ നീങ്ങുകയും ചെയ്യും. 
  
മാഞ്ചസ്​റ്റർ യുനൈറ്റഡി​​െൻറ ഇതിഹാസങ്ങളിലൊരാളായ സർ ബോബി ചാൾട്ട​​​െൻറ പേരിലായിരുന്ന ടോപ്​​ സ്​കോറർ പദവി സ്വന്തം പേരിലേക്ക്​ മാറ്റിയാണ്​​ റൂണി ഒാൾഡ്​ ട്രഫോഡ്​ വിടുന്നത്​. 2004ൽ എവർട്ടണിൽനിന്ന്​ മാഞ്ചസ്​റ്റർ യുനൈറ്റഡ്​ ജഴ്​സിയിലേക്കെത്തിയ റൂണി 253 ഗോളുകളാണ്​ അടിച്ചുകൂട്ടിയത്​. 13 വർഷത്തിനിടക്ക്​ നേടിയ അഞ്ച്​ പ്രീമിയർ ലീഗ്, മൂന്ന്​ ലീഗ്​ കപ്പ്​, ചാമ്പ്യൻസ്​ ലീഗ്​, യൂറോപ ലീഗ്​, എഫ്​.എ കപ്പ്​, ഫിഫ ലോകകപ്പ്​ എന്നിവ  മാഞ്ചസ്​റ്റർ ജഴ്​സിയിൽ റൂണിയുടെ കിരീടത്തി​െല ​െപാൻതൂവലായി​. ഇതിനിടക്ക്​ രണ്ടു തവണ പി.എഫ്​.എ യുവ ഫുട്​ബാളറുമായി തെരഞ്ഞെടുക്കപ്പെട്ടു. 

ചരിത്രം കുറിച്ച്​ ഒാൾഡ്​ ട്രഫോഡ്​ വിടു​േമ്പാൾ മാഞ്ചസ്​റ്റർ യുനൈറ്റഡ്​ എന്ന ഗ്ലാമർ ക്ലബിന്​ സുന്ദര മുഹൂർത്തങ്ങൾ സമ്മാനിച്ചാണ്​ പഴയ ക്ലബിലേക്കുള്ള റൂണിയുടെ തിരിച്ചുപോക്ക്​. എവർട്ടണി​​െൻറ നീല ജഴ്​സിയിൽ താരം മാധ്യമങ്ങൾക്കു മുന്നിലെത്തി. 
 

 | We're delighted to bring @WayneRooney back to #EFC! He signs from @ManUtd, 2 year deal. #WelcomeHomeWayne

https://t.co/mHFaK7eQA9 pic.twitter.com/8N5nYvnezU

— Everton (@Everton) July 9, 2017