ഫുട്​ബാൾ പ്രേമികളെ റഷ്യയ​ിലേക്ക്​ സ്വാഗതം ചെയ്​ത്​ പുടിൻ

മോസ്​കോ: ഇനി നാലു ദിനം മാത്രം. കളിക്കാനെത്തുന്ന 32 രാജ്യങ്ങളെ മാത്രമല്ല, ലോകമെമ്പാടുമുള്ള ഫുട്​ബാൾ പ്രേമികളെയും റഷ്യയിലേക്ക്​ ​സ്വാഗതം ചെയ്​ത്​ 21ാമത്​ ലോകകപ്പി​​െൻറ മുഖ്യസംഘാടകൻകൂടിയായ പ്രസിഡൻറ്​ വ്ലാദിമിർ പുടിൻ. ‘‘എല്ലാവരും ഞങ്ങളുടെ അതിഥികളാണ്​. നിങ്ങളുടെ വീടുപോലെയായിരിക്കും റഷ്യ’’ - ടീമുകളെയും ആരാധകരെയും ഒഫീഷ്യലുകളെയും സ്വാഗതംചെയ്​ത്​ റഷ്യൻ പ്രസിഡൻറി​​െൻറ സന്ദേശം. 

‘‘ലോകമെങ്ങുമായി കാൽപന്തുത്സവത്തിലേക്ക്​ കാതോർത്തിരിക്കുന്ന ഫുട്​ബാൾ പ്രേമികൾക്ക്​ അവിസ്​മരണീയ അനുഭവമാകും റഷ്യ. ഏറെ അഭിമാനത്തോടെയും അംഗീകാരത്തോടെയുമാണ്​ ഞങ്ങൾ ഇൗ​ മേളക്ക്​ വേദിയൊരുക്കുന്നത്​. അത്​ ഉജ്ജ്വലമാവും’’ -പുടിൻ പറഞ്ഞു. 1300 കോടി ഡോളർ ​െചലവഴിച്ചാണ്​ റഷ്യ ​11 നഗരങ്ങളിലെ 12 വേദികളിലായി കാൽപന്ത്​ മാമാങ്കത്തിന്​ ആതിഥ്യമൊരുക്കുന്നത്​.