ലോകകപ്പിൽ ‘വാർ’; വീഡിയോ അസിസ്​റ്റൻറ്​ റഫറിയിങ്ങിന്​ അനുമതി

സൂറിക്​​: ബോക്​സിൽ വീണ്​ റഫറിയെ കബളിപ്പിച്ച്​ പെനാൽറ്റി നേടാനുള്ള വിരുതന്മാരുടെ ശ്രമങ്ങൾ റഷ്യൻ ലോകകപ്പിൽ നടക്കില്ല. വിഡിയോ അസിസ്​റ്റൻറ്​ റഫറിയിങ്​ (വാർ) ​സാ​േങ്കതികത ലോകകപ്പിൽ നടപ്പാക്കാൻ ഫിഫയുടെ കളിനിയമ വിഭാഗമായ ഇൻറർനാഷനൽ ഫുട്​ബാൾ അസോസിയേഷൻ ബോർഡി​​​​െൻറ അനുമതി.

സൂറിക്കിൽ ചേർന്ന ​െഎ.എഫ്​.എ.ബിയുടെ പ്രത്യേക യോഗത്തിലാണ്​ അംഗീകാരം നൽകിയത്​. ക്ലബ്​ ലോകകപ്പിൽ പരീക്ഷിച്ച്​ വിജയം കണ്ടതി​​​​െൻറ ആത്മവിശ്വാസവുമായാണ്​ ഫിഫ ​‘വാറി’നെ റഷ്യ ലോകകപ്പിൽ അവതരിപ്പിക്കുന്നത്​. പെനാൽറ്റി അനുവദിക്കൽ, ചുവപ്പ്​ കാർഡ്​ നൽകൽ, ഒാഫ്​ സൈഡ്​ ഗോൾ തുടങ്ങി നിർണായക ഘട്ടങ്ങളിൽ അന്തിമതീരുമാനമെടുക്കാൻ റഫറിമാരെ സഹായിക്കുന്നതാണ്​ ‘വാർ’. ബുണ്ടസ്​ ലീഗ, എഫ്​.എ കപ്പ്​ തുടങ്ങി ആയിരത്തിലേറെ മത്സരങ്ങളിൽ പരീക്ഷിച്ച്​ വിജയിച്ചു. കളിയുടെ കൃത്യതക്കും സത്യസന്ധതക്കും വാർ സഹായകമാവുമെന്ന്​ ഫിഫ അധ്യക്ഷൻ ജിയാനി ഇൻഫൻറിനോ പറഞ്ഞു.