യൂറോകപ്പ്​ 2021ലേക്ക്​ നീട്ടിയേക്കും

ലണ്ടൻ: ഫുട്​ബാൾ ലോകം ആകാംക്ഷ​േയാടെ കാത്തിരിക്കുന്ന യൂറോകപ്പിന്​ ഈ വർഷം പന്തുരുളുമോ? കായികപ്രേമികൾ ആശങ്കയ ോടെ ഉറ്റുനോക്കുന്ന ഈ ചോദ്യത്തിനുത്തരം ചൊവ്വാഴ്​ചയറിയാം. യൂറോപ്പിലെ ഫുട്​ബാൾ നടത്തിപ്പുകാരായ ‘യുവേഫ’ ച ൊവ്വാഴ്​ച നടത്തുന്ന യോഗത്തിൽ ഇക്കാര്യം മുഖ്യചർച്ചയാകും. അടുത്ത വർഷത്തേക്ക്​ ടൂർണമ​െൻറ്​ നീട്ടുന്നത്​ യുവേഫയുടെ സജീവപരിഗണനയിലുണ്ടെന്നാണ്​ റിപ്പോർട്ടുകൾ. ചാമ്പ്യൻസ്​ ലീഗ്​, യൂറോപ ലീഗ്​ മത്സരങ്ങൾ മാറ്റിവെക്കാൻ യോഗത്തിൽ സംഘടന ഔദ്യോഗികമായി തീരുമാനിച്ചേക്കും. വൻകരയിലെ വൻതോക്കുകൾ അഭിമാനപുരസ്സരം മാറ്റുരക്കുന്ന യൂറോകപ്പ്​ ഫുട്​ബാൾ ഈ വർഷം ജൂൺ 12 മുതൽ ജൂലൈ 12 വരെയാണ്​ നിശ്ചയിച്ചിട്ടുള്ളത്​. കോവിഡ്​ പടർന്നുപിടിച്ച ഇറ്റലി, ഇംഗ്ലണ്ട്​, ഫ്രാൻസ്​, ജർമനി, സ്​പെയിൻ അടക്കം 12 രാജ്യങ്ങളാണ്​ 16ാമത്​ യൂറോകപ്പിന്​ സംയുക്​തമായി ആതിഥ്യമരുളുന്നത്​. റോമിൽ തുടങ്ങുന്ന ടൂർണമ​െൻറി​​െൻറ കലാശക്കളി ഇംഗ്ലണ്ടിലെ വെംബ്ലി സ്​റ്റേഡിയത്തിലാണ്​.

കോവിഡ്​19 ലോകം മുഴുവൻ പടർന്നുപിടിച്ച സാഹചര്യത്തിൽ ടൂർണമ​െൻറ്​ 2021ലേക്ക്​ മാറ്റിവെക്കുന്നതിനെക്കുറിച്ച്​ തീരുമാനമെട​ുക്കുകയാവും യോഗത്തിലെ പ്രധാന അജണ്ട. അടുത്ത വർഷം നടത്താൻ നിശ്ചയിച്ചാലും ചില ​െവല്ലുവിളികൾ യു​വേഫക്കു മുന്നിലുണ്ട്​. വിപുലമായ ക്ലബ്​ ലോകകപ്പ്​ ഫിഫ നിശ്ചയിച്ചിട്ടുള്ളത്​ അടുത്ത വർഷം ​സമ്മറിലാണ്​. യുവേഷ നാഷൻസ്​ ലീഗ്​ ഫൈനലും ഏറക്കുറെ അതേസമയത്തുതന്നെയാകും. ടൂർണമ​െൻറി​​െൻറ സമയം വെട്ടിച്ചുരുക്കി നടത്തുന്നതും ചർച്ചയാകും. എന്നാൽ, 24 ദേശീയ ടീമുകൾ പ​െങ്കടുക്കുന്ന മേള രണ്ടാഴ​്​ചയിലേക്ക്​ ചുരുക്കുന്നത്​ കടുത്ത വെല്ലുവിളിയാണ്​. മത്സരത്തിനിടയിലെ മതിയായ വിശ്രമദിനങ്ങളും പരിഗണിക്കേണ്ടതുണ്ട്​. 55 അംഗരാജ്യങ്ങളിലെ പ്രതിനിധികളുടെ അഭിപ്രായം കൂടി കണക്കിലെടുത്താകും ഇക്കാര്യത്തിൽ യുവേഫയുടെ അന്തിമ തീരുമാനം.