അണ്ടർ 23 ഫുട്ബാൾ: ഇന്ന് ഇന്ത്യ x ഖത്തർ പോരാട്ടം
text_fieldsദോഹ: അണ്ടർ 23 ഏഷ്യാകപ്പ് യോഗ്യത പോരാട്ടത്തിനൊരുങ്ങുന്ന ഇന്ത്യൻ സംഘത്തിന് ഇന്ന് ഏഷ്യൻ സീനിയർ ചാമ്പ്യന്മാരായ ഖത്തറിെൻറ വെല്ലുവിളി. ഖത്തർ അണ്ടർ 23 ടീമുമായി ഇന്ത്യൻ സമയം രാത്രി 9.30നാണ് മത്സരം. കളി ജൂനിയർ ടീമുകൾ തമ്മിലാണെങ്കിലും ഒന്നര മാസം മുമ്പ് ഏഷ്യൻ കപ്പ് നേടിയ ഖത്തർ ടീമിലെ പലരും ഇന്ന് ഇന്ത്യക്കെതിരെ കളത്തിലിറങ്ങും.
23ന് താഴെ പ്രായമുള്ളവരും ഏഷ്യൻ കപ്പിൽ ഖത്തറിനെ ജേതാക്കളാക്കിയ അൽമോസ് അലി, അക്രം അഫിഫ്, ബസ്സം അൽ റവി എന്നിവരിൽ ചിലർ കളിച്ചേക്കും. 2022 ലോകകപ്പിനായി ഒരുങ്ങുന്ന ടീമിനെതിരായ മത്സരം ഇന്ത്യക്ക് മികച്ച അനുഭവമാവുമെന്ന് കോച്ച് ഡെറിക് പെരീറ പറഞ്ഞു.
ഇന്ത്യൻ സീനിയർ ടീമിൽ കളിച്ച ഏതാനും പേരെ ഉൾപ്പെടുത്താനായില്ലെങ്കിലും യുവ ഇന്ത്യക്ക് പരിചയ സമ്പത്താണ് ഇൗ പോരാട്ടമെന്നാണ് കോച്ചിെൻറ നിലപാട്. മലയാളി താരങ്ങളായ സഹൽ അബ്ദുൽ സമദ്, കെ.പി. രാഹുൽ എന്നിവർ ടീമിലുണ്ട്. മാർച്ച് 22 മുതലാണ് യുക്രെയ്നിലെ മത്സരങ്ങൾ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.