അ​ണ്ട​ർ 17 ലോ​ക​ക​പ്പി​ന്​ ഇ​ന്ന്​ തു​ട​ക്കം

ന്യൂ​ഡ​ല്‍ഹി: കൗ​മാ​ര​ത്തി​​െൻറ ക​ളി​യു​ത്സ​വ​ത്തി​ന് ഇ​ന്ന് കൊ​ടി​യേ​റ്റം. ക​ളി​യ​ഴ​കി​​െൻറ വ​ശ്യ​ത​യും വ​ന്യ​ത​യും പു​ല്‍ത്ത​കി​ടി​ക​ളെ തീ​പി​ടി​പ്പി​ക്കു​ന്ന വി​ശ്വ​കി​രീ​ടം തേ​ടി​യു​ള്ള പോ​രാ​ട്ട​ത്തി​ല്‍ ഇ​താ​ദ്യ​മാ​യി ആ​തി​ഥേ​യ​രാ​യി ഇ​ന്ത്യ​യും ച​രി​ത്ര​ത്തി​ലേ​ക്ക് പ​ന്ത​ടി​ക്കു​ന്നു. ഇ​നി മൂ​ന്നാ​ഴ്ച​ക്കാ​ലം ക​ളി​യാ​ട്ട ഭൂ​മി​യി​ലെ ക​ൽ​പ​ട​വു​ക​ളി​ല്‍ കാ​ൽ​പ​ന്ത് ക​ളി​യു​ടെ ആ​വേ​ശ​ക്കാ​ഴ്ച​ക​ളാ​ണ്. ആ​റു ഭൂ​ഖ​ണ്ഡ​ങ്ങ​ളി​ല്‍നി​ന്ന് ക​പ്പ് തേ​ടി​യെ​ത്തി​യ 24 ടീ​മു​ക​ളി​ല്‍ മൈ​താ​ന​ങ്ങ​ളെ ത്ര​സി​പ്പി​ച്ച് നി​ര്‍ത്തു​ന്ന ബ്ര​സീ​ലും ഫ്രാ​ന്‍സും ജ​ര്‍മ​നി​യും സ്പെ​യി​നും ഇം​ഗ്ല​ണ്ടും മെ​ക്സി​കോ​യും അ​മേ​രി​ക്ക​യും ഘാ​ന​യു​മൊ​ക്കെ​യു​ണ്ട്. 

ന്യൂ​ഡ​ൽ​ഹി ജ​വ​ഹ​ര്‍ലാ​ല്‍ നെ​ഹ്റു സ്​​റ്റേ​ഡി​യ​ത്തി​ല്‍  വെ​ള്ളി​യാ​ഴ്​​ച രാ​ത്രി എ​ട്ടി​ന് ക​രു​ത്ത​രാ​യ അ​മേ​രി​ക്ക​യോ​ടാ​ണ് ആ​തി​ഥേ​യ​രു​ടെ ആ​ദ്യ പോ​ര്. ഗ്രൂ​പ് എ.​യി​ലെ ഉ​ദ്ഘാ​ട​ന​മ​ത്സ​ര​ത്തി​ല്‍ കൊ​ളം​ബി​യ വൈ​കു​ന്നേ​രം അ​ഞ്ചി​ന് ഘാ​ന​യെ നേ​രി​ടും. ഇ​തേ നേ​ര​ത്ത് ന​വി മും​ബൈ​യി​ല്‍ തു​ര്‍ക്കി ന്യൂ​സി​ല​ൻ​ഡി​നെ നേ​രി​ടും. രാ​ത്രി എ​ട്ടി​നാ​ണ്​ മാ​ലി-​പ​രാ​ഗ്വെ​ മ​ത്സ​രം. ആ​റു പോ​രി​ട​ങ്ങ​ളി​ലാ​യി  അ​ര​ങ്ങേ​റു​ന്ന മ​ത്സ​ര​ങ്ങ​ളി​ല്‍ ഒ​ക്ടോ​ബ​ര്‍ 28ന് ​കൊ​ൽ​ക്ക​ത്ത​യി​ലാ​ണ് ക​ലാ​ശ​ക്ക​ളി. ബ്ര​സീ​ലി​നും സ്പെ​യി​നി​നും പ്രാ​ഥ​മി​ക റൗ​ണ്ടി​ല്‍ വേ​ദി​യൊ​രു​ക്കു​ന്ന​ത് ക​ളി​യെ ഹൃ​ദ​യ​ത്തോ​ട് ചേ​ര്‍ത്തു നി​ര്‍ത്തി​യ മ​ല​യാ​ള​ക്ക​ര​യി​ലെ കൊ​ച്ചി​യി​ലാ​ണ്. ഗു​വാ​ഹ​തി​യും ഗോ​വ​യു​മാ​ണ് മ​റ്റു ര​ണ്ടു വേ​ദി​ക​ൾ. 

പു​തി​യ നൂ​റ്റാ​ണ്ടി​ല്‍ ജ​നി​ച്ച​വ​രു​ടെ  ഈ ​ലോ​ക​ക​പ്പി​ന് പ​തി​നേ​ഴ​ഴ​കാ​ണ്. പ​തി​നേ​ഴു​കാ​രു​ടെ പ​തി​നേ​ഴാം പോ​രാ​ട്ടം. നി​ല​വി​ലെ ചാ​മ്പ്യ​ന്മാ​രും അ​ഞ്ചു ത​വ​ണ ക​പ്പ് ജ​യി​ച്ച​വ​രു​മാ​യ നൈ​ജീ​രി​യ​യു​ടെ​യും സാ​ക്ഷാ​ല്‍ മ​റ​ഡോ​ണ​യു​ടെ​യും മെ​സ്സി​യു​ടെ​യും നാ​ട്ടു​കാ​രാ​യ അ​ര്‍ജ​ൻ​റീ​ന​യു​ടെ​യും അ​ഭാ​വം ഈ ​ലോ​ക​ക​പ്പി​​െൻറ ന​ഷ്​​​ട​മാ​ണ്. ബ്ര​സീ​ല്‍പ​ട​യി​ല്‍ ഇ​ന്ത്യ കാ​ത്തി​രു​ന്ന വി​നീ​ഷ്യ​സി​​െൻറ പി​ന്മാ​റ്റ​വും കാ​ണി​ക​ളി​ല്‍ സ​ങ്ക​ടം തീ​ര്‍ക്കു​ന്നു. എ​ന്നാ​ല്‍, ക​ളി​ക്ക​ളം വാ​ണ​രു​ളാ​ന്‍ ഇ​ത്തി​രി​പ്പോ​ന്ന ഒ​ത്തി​രി താ​ര​ങ്ങ​ളു​ണ്ട് ഓ​രോ നി​ര​യി​ലും. പ്ര​ഗ​ത്ഭ​രാ​യ മു​ന്‍ഗാ​മി​ക​ളു​ടെ പി​ന്മു​റ​ക്കാ​രാ​യി അ​വ​ര്‍ ഗോ​ള​ടി​ച്ചും ഗോ​ള്‍വ​ല കാ​ത്തും പ്ര​തി​രോ​ധം തീ​ര്‍ത്തും ഇ​വി​ടെ ഉ​ദി​ച്ചു​യ​രും, നാ​ളെ​യു​ടെ താ​ര​ങ്ങ​ളാ​യി.

പ്രാ​ഥ​മി​ക  റൗ​ണ്ടി​ല്‍ ഓ​രോ ഗ്രൂ​പി​ലും മു​ന്നി​​ലെ​ത്തു​ന്ന ര​ണ്ട് ടീ​മു​ക​ളും മി​ക​ച്ച മൂ​ന്നാം സ്ഥാ​ന​ക്കാ​രാ​യ നാ​ലു ടീ​മു​ക​ളും പ്രി​ക്വാ​ര്‍ട്ട​റി​ല്‍ ഇ​ടം നേ​ടും. അ​മേ​രി​ക്ക​ക്കൊ​പ്പം കൊ​ളം​ബി​യ​യും ഘാ​ന​യു​മ​ട​ങ്ങു​ന്ന ഗ്രൂ​പി​ല്‍ ആ​ദ്യ ഘ​ട്ട ക​ട​മ്പ ഇ​ന്ത്യ​ക്ക് തു​ലോം വി​ര​ള​മാ​ണ്. ഒ​രു സ​മ​നി​ല പോ​ലും സ്വ​പ്നം കാ​ണാ​നി​ല്ലാ​ത്ത ആ​തി​ഥേ​യ​ര്‍ക്ക് കൈ​യ​ടി​ക്കാ​​നെ​ത്തു​ന്ന കാ​ണി​ക​ളു​ടെ ച​ങ്ക് പ​റി​ച്ചെ​ടു​ക്കാ​നാ​യാ​ല്‍ അ​തു​ത​ന്നെ നേ​ട്ടം.