മാലിയും പാരാഗ്വയും പ്രീക്വാർട്ടറിൽ: തുര്‍ക്കിയും ന്യുസിലന്‍ഡും പുറത്ത്

ന്യൂഡൽഹി: അണ്ടര്‍ 17 ലോകകപ്പില്‍ ഗ്രൂപ്പ് ബിയിൽ ഗ്രൂപ്പ് ജേതാക്കളായി പരഗ്വായും രണ്ടാം സ്ഥാനക്കാരായി മാലിയും പ്രീ ക്വാര്‍ട്ടറില്‍ പ്രവേശിച്ചു. അതേസമയം ന്യുസിലന്‍ഡും തുര്‍ക്കിയും ടൂർണമ​​െൻറിൽ നിന്നും പുറത്തായി. ഇന്ന് നടന്ന അവസാന ഗ്രൂപ്പ് മത്സരത്തില്‍ ന്യുസിലന്‍ഡിനെ ഒന്നിനെതിരെ മൂന്നു ഗോളുകള്‍ക്ക് മലി തകർത്തു. ഇതേ സ്കോറിനാണ് പാരഗ്വ തുര്‍ക്കിയെ പരാജയപ്പെടുത്തിയത്.

ആദ്യ രണ്ടു മത്സരത്തിലും വിജയിച്ച് പാരഗ്വാ നേരത്തെ തന്നെ പ്രീ ക്വാര്‍ട്ടര്‍ ഉറപ്പിച്ചിരുന്നു. 41-ാം മിനിറ്റില്‍ ഗിയോവന്നി ബോഗദോയും 43-ാം മിനിറ്റില്‍ ഫെര്‍ണാണ്ടോ കാര്‍ഡൊസോയുമാണ് ആദ്യ രണ്ടു ഗോള്‍ അടിച്ചത്. 61-ാം മിനിറ്റില്‍ അന്റോണിയോ ഗലീനോ ലീഡ്മൂന്നാക്കി ഉയര്‍ത്തി. മത്സരം അവസാനിക്കാനിരിക്കെ കരേം കെസിന്‍ തുര്‍ക്കിക്കായി ആശ്വാസ ഗോള്‍ നേടി. 18-ാം മിനിറ്റില്‍ സലാം ഗിദ്ദോയാണ് ന്യുസിലന്‍ഡ് വലകുലുക്കിയത്. 50,82 മിനിറ്റുകളിലായിരുന്നു മറ്റു രണ്ടു ഗോളുകള്‍.