അ​ണ്ട​ര്‍-17 ലോ​ക​ക​പ്പ്: കലൂര്‍ സ്റ്റേഡിയത്തിലെ കച്ചവടക്കാര്‍ ഒഴിയണമെന്ന് ഹൈകോടതി

കൊ​ച്ചി: അ​ണ്ട​ര്‍-17 ലോ​ക​ക​പ്പ് ഫു​ട്​​ബാ​ൾ ​മ​ത്സ​ര​ങ്ങ​ള്‍ക്ക് സു​ര​ക്ഷ ഒ​രു​ക്കു​ന്ന​തി​​​​​​െൻറ ഭാ​ഗ​മാ​യി ഈ മാസം 25-ന് മുന്‍പ് കൊച്ചി കലൂര്‍ ജവഹര്‍ലാല്‍ നെഹ്‌റു സ്റ്റേഡിയത്തില്‍ നിന്ന് ഒഴിഞ്ഞു പോകണമെന്ന് വാടകമുറികളിലെ കച്ചവടക്കാരോട് ഹൈകോടതി നിര്‍ദേശിച്ചു.

ഒഴിഞ്ഞു പോകുന്നവര്‍ക്ക് നഷ്ടപരിഹാരം നല്‍കണമെന്നും കോടതി ഉത്തരവിട്ടുണ്ട്.  ജി.സി.ഡി.എയോടാണ് (വിശാല കൊച്ചി വികസന സമിതി) കച്ചവടക്കാര്‍ക്കുള്ള നഷ്ടപരിഹാരം നല്‍കാന്‍ കോടതി ഉത്തരവിട്ടിരിക്കുന്നത്. എ​റ​ണാ​കു​ളം ച​ങ്ങ​മ്പു​ഴ ന​ഗ​ർ സ്വ​ദേ​ശി വി. ​രാ​മ​ച​ന്ദ്ര​ൻ നാ​യ​ർ ഉ​ൾ​പ്പെ​ടെ 50ഒാ​ളം വ്യാ​പാ​രി​ക​ൾ ന​ൽ​കി​യ ഹ​ര​ജി​യാ​ണ് സിം​ഗി​ൾ ബെ​ഞ്ച് പ​രി​ഗ​ണി​ച്ചത്. ലോ​ക​ക​പ്പി​നാ​യി ഒ​ക്ടോ​ബ​ർ 25വ​രെ ക​ട​മു​റി​ക​ൾ അ​ട​ച്ചി​ടാ​നാ​ണ് ജി.​സി.​ഡി.​എ (വി​ശാ​ല കൊ​ച്ചി വി​ക​സ​ന അ​തോ​റി​റ്റി) നോ​ട്ടീ​സ് ന​ൽ​കി​യി​രു​ന്ന​ത്.

പ്രധാനവേദിയും പരിശീലന മൈതാനങ്ങളും 21നകം കൈമാറണമെന്നായിരുന്നു ഫിഫ നിർദേശം. 18ന് കൊച്ചി സ്​റ്റേഡിയം കൈമാറാമെന്ന് ഫിഫയോട് അറിയിച്ചിരുന്നു. അതിനിടെയാണ് സ്​റ്റേഡിയത്തിലെ സ്ഥാപനങ്ങൾ ഒഴിപ്പിക്കുന്നതിനെതിരെ ഉടമകൾ ഹൈകോടതിയിൽ ഹരജി നൽകിയത്. 21നോ 22നോ സ്​റ്റേഡിയം ഫിഫക്ക് കൈമാറിയേക്കും. 

കേസ് നേരത്തേ പരിഗണിച്ചിരുന്നെങ്കിലും ബദൽ സംവിധാനങ്ങ​ളെക്കുറിച്ച് സർക്കാറിനോട്​ നിലപാട്​ തേടിയ കോടതി ഇക്കാര്യംകൂടി പരിഗണിക്കാനാണ് ഹരജികൾ മാറ്റിയത്. സുരക്ഷയുടെ ഭാഗമായാണ്​ സ്​ഥാപനങ്ങൾ ഒഴിപ്പിക്കുന്നതെന്നും ഇക്കാര്യത്തിൽ ഒന്നും ചെയ്യാനാവില്ലെന്നും സർക്കാർ കോടതിയെ അറിയിച്ചിരുന്നു. സുരക്ഷയുമായി ബന്ധപ്പെട്ട് ഫിഫക്ക് അവരുടെ രീതികളുണ്ടെന്നും വിട്ടുവീഴ്​ച സാധ്യമല്ലെന്നും വെള്ളിയാഴ്​ച കേസ്​ പരിഗണിക്കവേ കോടതി വാക്കാല്‍ നിരീക്ഷിച്ചിരുന്നു.

കൊച്ചി സ്റ്റേഡിയത്തിൽനിന്ന് ഐ.ടി പാർക്ക് ഒഴിയുന്നു
കലൂർ ജവഹർലാൽ നെഹ്റു സ്​റ്റേഡിയത്തിൽ പ്രവർത്തിക്കുന്ന ടെക്നോളജി ബിസിനസ് സ​​​​െൻറർ (ടി.ബി.സി) താൽക്കാലികമായി മാറ്റാനുള്ള ക്രമീകരണങ്ങൾ ചെയ്തതായി കേരള ഐ.ടി പാർക്ക് സി.ഇ.ഒ ഋഷികേശ് നായർ അറിയിച്ചു. ചേർത്തല ഇൻഫോപാർക്ക്, കാക്കനാടുള്ള ഇൻഫോപാർക്ക് കാമ്പസ്, സമീപത്തെ മറ്റു അനുയോജ്യമായ സ്ഥലങ്ങൾ എന്നിവിടങ്ങളിലേക്ക് കമ്പനിയുടെ പ്രവർത്തനം മാറ്റും. ജോലിക്കാർക്ക് ആവശ്യമായ ഗതാഗത സംവിധാനമൊരുക്കുമെന്നും അദ്ദേഹം പറഞ്ഞു. സർക്കാർ സംരംഭമെന്ന നിലയിൽ ടി.ബി.സി മാറ്റേണ്ടിവരില്ലെന്നായിരുന്നു ധാരണ. ഏതെങ്കിലും സുരക്ഷ പ്രശ്നങ്ങൾ ഉള്ളതായി അറിഞ്ഞിരുന്നുമില്ല. അതിനാൽ ഉദ്യോഗസ്ഥരോട് അറിയിക്കുകയോ മറ്റെന്തെങ്കിലും നടപടി സ്വീകരിക്കുകയോ ചെയ്തിരുന്നില്ല. എങ്കിലും സർക്കാറി​​​​െൻറ നിർദേശം സ്വാഗതം ചെയ്യുന്നതായും ഋഷികേശ് നായർ പറഞ്ഞു.