സന്നാഹം ജയിച്ച്​ ബ്രസീൽ; ഇ​ര​ട്ട ഗോ​ള​ടി​ച്ച്​  ബ്ര​ണ്ണ​ർ

മും​ബൈ: ക​ളി​ക്കു​ന്ന​ത്​ പ​രി​ശീ​ല​ന മ​ത്സ​ര​മാ​ണെ​ങ്കി​ലും തോ​ൽ​ക്കാ​ൻ മ​ഞ്ഞ​പ്പ​ട​ക്ക്​ മ​ന​സ്സി​ല്ല. അ​താ​യി​രു​ന്നു മും​ബൈ ഫു​ട്​​ബാ​ൾ അ​റീ​ന​യി​ൽ ന്യൂ​സി​ല​ൻ​ഡു​മാ​യി ന​ട​ന്ന അ​ണ്ട​ർ 17 ലോ​ക​ക​പ്പി​ലെ പ​രി​ശീ​ല​ന ക​ളി​യി​ൽ ക​ണ്ട​ത്. ഒ​ന്നി​ന്​ എ​തി​രെ ര​ണ്ട്​ ഗോ​ളു​ക​ൾ​ക്ക്​ കി​വി​ക​ളെ ബ്ര​സീ​ൽ തോ​ൽ​പി​ച്ചു. സ്​​റ്റാ​ർ സ്​​ട്രൈ​ക്ക​ർ വി​നീ​ഷ്യ​സ്​ ജൂ​നി​യ​റി​​​െൻറ അ​സാ​ന്നി​ധ്യ​ത്തി​ൽ ആ​​ക്ര​മ​ണം ന​യി​ച്ച മു​ൻ​നി​ര​ക്കാ​ര​ൻ ബ്ര​ണ്ണ​റാ​ണ് മ​ഞ്ഞ​പ്പ​ട​യു​ടെ ഇ​രു ഗോ​ളു​ക​ളും നേ​ടി​യ​ത്. കി​വി​ക​ളു​ടെ ആ​ശ്വാ​സ ഗോ​ൾ മ​ധ്യ​നി​ര​ക്കാ​ര​ൻ മാ​ക്​​സ്​ മാ​ട​യു​ടെ വ​ക​യാ​യി​രു​ന്നു.

ആ​ദ്യ പ​കു​തി​യി​ൽ പ​രി​ശീ​ല​ന ക​ളി​യു​ടെ ആ​യാ​സ​മാ​യി​രു​ന്നു ശ​രീ​ര ഭാ​ഷ​യെ​ങ്കി​ൽ ര​ണ്ടാം പ​കു​തി ഗോ​ൾ​വേ​ട്ട​യു​ടേ​താ​യി​രു​ന്നു. ലാ​റ്റി​ന​മേ​രി​ക്ക​ൻ ക​പ്പി​ൽ ബ്ര​സീ​ലി​യ​ൻ ഗോ​ൾ​വേ​ട്ട​ക്ക്​ പ​ന്തെ​ത്തി​ച്ച്​ ലോ​ക ശ്ര​ദ്ധ​നേ​ടി​യ അ​ല​ൻ ഡി​സൂ​സ​യു​ടെ വ​ര​വ​റി​യി​ച്ച​താ​യി​രു​ന്നു 50ാം മി​നി​റ്റി​ൽ കി​വി​ക​ളു​ടെ വ​ല​കു​ലു​ക്കി​യ ബ്രെ​ണ്ണ​റു​ടെ ആ​ദ്യ ഗോ​ൾ.
 അ​ല​ൻ ന​ൽ​കി​യ പാ​സി​ൽ ​ ഇ​ട​തു വി​ങ്ങി​ലാ​യി​രു​ന്ന ബ്രെ​ണ്ണ​ർ​ പ​ന്ത്​ നി​ഷ്​​പ്ര​യാ​സം വ​ല​യി​ലാ​ക്കി. ആ​ദ്യ പ​കു​തി​യി​ൽ സൈ​ഡ്​​ ബെ​ഞ്ചി​ലാ​യി​രു​ന്നു അ​ല​​​െൻറ ഇ​രി​പ്പ്.
83ാം മി​നി​റ്റി​ലാ​യി​രു​ന്നു ബ്രെ​ണ്ണ​റു​ടെ ര​ണ്ടാം ഗോ​ൾ. കി​വി​ക​ളു​ടെ പ്ര​തി​രോ​ധ നി​ര​യി​ൽ നി​ന്ന്​ മാ​ർ​കോ​സ്​ ആ​​​​െൻറാ​ണി​യൊ പി​ടി​ച്ചെ​ടു​ത്ത പ​ന്ത്​ പെ​നാ​ൽ​റ്റി ബോ​ക്​​സി​ലേ​ക്ക്​ നീ​ട്ടി ന​ൽ​കി. ബ്രെ​ണ്ണ​ർ പ​ന്ത്​ വ​ല​യി​ലു​മാ​ക്കി. ഇ​ൻ​ജു​റി ടൈ​മി​ൽ വീ​ണു​കി​ട്ടി​യ പെ​നാ​ൽ​റ്റി​യി​ലൂ​ടെ​യാ​ണ്​ കി​വി​ക​ളു​ടെ ആ​​ശ്വാ​സ ഗോ​ൾ. 

പ്ര​തി​രോ​ധ​ത്തി​നി​ടെ മാ​ക്​​സി​നെ പെ​നാ​ൽ​റ്റി ബോ​ക്​​സി​ൽ ഫൗ​ൾ​ചെ​യ്​​ത​തി​നാ​ണ്​ റ​ഫ​റി മ​ഞ്ഞ​പ്പ​ട​ക്കെ​തി​രെ പെ​നാ​ൽ​റ്റി വി​ധി​ച്ച​ത്.ആ​ദ്യ പ​കു​തി​യി​ൽ ഇ​രു ടീ​മു​ക​ളും പ​ല​കു​റി ഗോ​ൾ​മു​ഖ​ത്തെ​ത്തി​യെ​ങ്കി​ലും ല​ക്ഷ്യം ക​ണ്ടി​ല്ല. മ​ത്സ​ര ശേ​ഷം ന​ട​ന്ന പ​രി​ശീ​ല​ന പെ​നാ​ൽ​റ്റി ഷൂ​ട്ടൗ​ട്ടി​ലും മ​ഞ്ഞ​​പ്പ​ട​ക്കു ത​ന്നെ​യാ​ണ്​ വി​ജ​യം. അ​ഞ്ചി​ൽ അ​ഞ്ചും ബ്ര​സീ​ൽ വ​ല​യി​ലാ​ക്കി​യ​പ്പോ​ൾ കി​വി​ക​ൾ​ക്ക്​ നാ​ലെ​ണ്ണ​മെ വ​ല​യി​ലെ​ത്തി​ക്കാ​നാ​യു​ള​ളൂ. ഒ​രെ​ണ്ണം ബ്ര​സീ​ലി​യ​ൻ ഗോ​ളി ഗ​ബ്രി​യേ​ൽ ബ്ര​സാ​വൊ ത​ട്ടി​യ​ക​റ്റു​ക​യാ​യി​രു​ന്നു.