അണ്ടര്‍ 17 ലോകകപ്പ്: ഗോവക്കും പച്ചക്കൊടി

ഫട്ടോര്‍ഡ: കൊച്ചിക്കും നവി മുംബൈക്കും പിന്നാലെ, അണ്ടര്‍ 17 ലോകകപ്പ് ഫുട്ബാളിന്‍െറ വേദിയായി ഗോവക്കും പച്ചക്കൊടി. 13 അംഗ ഫിഫ പ്രതിനിധി സംഘമാണ് ഗോവയിലെ സൗകര്യങ്ങള്‍ വിലയിരുത്തി പ്രഖ്യാപനം നടത്തിയത്. ഫട്ടോര്‍ഡ സ്റ്റേഡിയമാണ് മുഖ്യവേദി. പരിശീലന വേദികളായ തിലക് മൈതാന്‍ സ്റ്റേഡിയം, കാന ബനൗലിം ഗ്രൗണ്ട്, ബാംബോലിം സ്റ്റേഡിയം, ഉട്ടോര്‍ഡ ഗ്രൗണ്ട് എന്നിവയും ടൂര്‍ണമെന്‍റ് ഡയറക്ടര്‍ ഹാവിയര്‍ സെപ്പിയുടെ നേതൃത്വത്തിലുള്ള സംഘം സന്ദര്‍ശിച്ചു. അടുത്തിടെ സമാപിച്ച അണ്ടര്‍ 16 എ.എഫ്.സി കപ്പിന് ആതിഥ്യമരുളിയത് ഗോവക്ക് ഗുണകരമായെന്ന് സെപ്പി പറഞ്ഞു. ഫിഫ സംഘം ഞായറാഴ്ച ഡല്‍ഹിയിലെ ജവഹര്‍ലാല്‍ നെഹ്റു സ്റ്റേഡിയം സന്ദര്‍ശിക്കും.