കോപ്പലില്ല; സ്റ്റുവർട്​ പിയേഴ്​സ്​ ബ്ലാസ്​റ്റേഴ്​സ്​ കോച്ചാവും

കോഴിക്കോട്​: ഇന്ത്യൻ സൂപ്പർലീഗ്​ നാലാം സീസണിൽ കേരള ബ്ലാസ്​റ്റേഴ്​സ്​ പരിശീലകനായി മുൻ ഇംഗ്ലീഷ്​ താരവും കോച്ചുമായ സ്​റ്റുവർട്ട്​​ പിയേഴ്​സിന്​ സാധ്യത. കഴിഞ്ഞ സീസണിൽ ബ്ലാസ്​റ്റേഴ്​സി​െന ഫൈനൽ വരെയെത്തിച്ച സ്​റ്റീവ്​ കോപ്പലി​​െൻറ പിൻഗാമിയായി മാഞ്ചസ്​റ്റർ സിറ്റി, ന്യൂകാസിൽ, ഇംഗ്ലണ്ട്​ താരവും 20 വർഷത്തിലേറെ കോച്ചിങ്​ പരിചയവുമുള്ള പിയേഴ്​സ്​ എത്തുമെന്ന്​ പ്രമുഖ ഫുട്​ബാൾ വെബ്​സൈറ്റുകൾ റിപ്പോർട്ട്​ ചെയ്​തു. ബ്ലാസ്​റ്റേഴ്​സ്​ താരം മൈക്കൽ ചോപ്രയും ട്വിറ്ററിലൂടെ ഇക്കാര്യം പുറത്തുവിട്ടു. 

കോപ്പലിനെ നിലനിർത്താൻ ആദ്യ ഘട്ടത്തിൽ ബ്ലാസ്​റ്റേഴ്​സ്​ ചർച്ചകൾ ആരംഭിച്ചിരുന്നെങ്കിലും പാതിവഴിയിൽ ഉപേക്ഷിക്കുകയായിരുന്നു. മുൻ ഇംഗ്ലണ്ട്​ കോച്ച്​ സ്വെൻ ഗൊരാൻ എറിക്​സൺ, മുൻ സ്​കോട്​ലൻഡ്​ മാനേജർ ബില്ലി മക്​കിൻലെ എന്നിവരെയും പരിഗണിച്ചശേഷമാണ്​ സ്​റ്റുവർട്ട്​​ പിയേഴ്​സുമായി കരാറിലെത്തിയതെന്നാണ്​ റിപ്പോർട്ട്​. ഒൗദ്യോഗിക പ്രഖ്യാപനം ഉടനുണ്ടാവും. ഇൗ മാസം 15 ആണ്​ കോച്ചിനെ പ്രഖ്യാപിക്കാനുള്ള അവസാന തീയതി. 
പ്രഥമ സീസൺ മുതൽ ഇംഗ്ലീഷുകാരെ ​പരിശീലക കുപ്പായത്തിലെത്തിക്കുന്ന ബ്ലാസ്​റ്റേഴ്​സ്​ ​െഎ.എസ്​.എൽ അടിമുടിമാറുന്ന നാലാം സീസണിലും ശൈലിയിൽ മാറ്റമില്ലെന്ന്​ പ്രഖ്യാപിക്കുകയായി. 

ഇംഗ്ലീഷ്​ ഫുട്​ബാളിൽ കളിക്കാരനും കോച്ചായും പേരെടുത്ത 56കാര​​െൻറ വരവ്​ ​െഎ.എസ്​.എല്ലിൽ ബ്ലാസ്​റ്റേഴ്​സിന്​ നിർണായകമാവും. 12 വർഷം ഇംഗ്ലീഷ്​ കുപ്പായമണിഞ്ഞ പിയേഴ്​സ്​ പ്രതിരോധനിരയിലെ മികച്ച താരമായിരുന്നു. 78 മത്സരങ്ങളിൽ ദേശീയ ടീമിനായി കളിച്ചു. 1978 മുതൽ 2002 വരെ നീണ്ട ക്ലബ്​ കരിയറിൽ നോട്ടിങ്​ഹാം, ന്യൂകാസിൽ, വെസ്​റ്റ്​ഹാം, മാഞ്ചസ്​റ്റർ സിറ്റി ടീമുകൾക്കായി കളിച്ചു. രണ്ടുവർഷം മാഞ്ചസ്​റ്റർ കോച്ചായിരുന്നു. തുടർന്ന്​ ആറു വർഷം ഇംഗ്ലണ്ട്​ അണ്ടർ 21 ടീമിനെയും 2012 ഒളിമ്പിക്​സിൽ ബ്രിട്ടനെയും ഇടക്കാലത്ത്​ ഇംഗ്ലണ്ട്​ ദേശീയ ടീമിനെയും പരിശീലിപ്പിച്ചു. പ്രതിരോധത്തിലെ വ്യത്യസ്​ത ശൈലികൊണ്ട്​ ​‘​ൈസക്കോ’ എന്ന വിളിപ്പേരിനുടമയായ സ്​റ്റുവർട്ട്​​ പിയേഴ്​സ്​ അതേ പേരിൽതന്നെ ത​​െൻറ ആത്​മകഥയും പ്രസിദ്ധീകരിച്ചു.