ബാഴ്​സലോണയെ പുറത്താക്കി അത്​ല​റ്റികോ; സൂപ്പർ കപ്പിൽ മഡ്രിഡ്​ ഫൈനൽ

ജിദ്ദ: സ്​പാനിഷ്​ സൂപ്പർ കപ്പിൽ എൽ ക്ലാസികോയില്ല, പകരം മഡ്രിഡ്​ ഡർബി. രണ്ടാം സെമിയിൽ ലാ ലിഗ ചാമ്പ്യന്മാരായ ബാ ഴ്​സലോണയെ അട്ടിമറിച്ച്​ അത്​ലറ്റികോ മഡ്രിഡ്​ (3-2) ഫൈനലിൽ കടന്നു. ഞായറാഴ്​ച രാത്രിയാണ്​ റയൽ -അത്​ലറ്റികോ കലാശ പ്പോരാട്ടം.

റയലി​​െൻറ ഫൈനൽ പ്രവേശനത്തിനു പിന്നാലെ, ജിദ്ദയിൽ ഒരു എൽ ക്ലാസികോ എന്ന സ്വപ്​നവുമായെത്തിയ ആ രാധകരെ ഞെട്ടിക്കുന്നതായിരുന്നു തോൽവി. മെസ്സി, സുവാരസ്​, ഗ്രീസ്​മാൻ (എം.എസ്​.ജി) കൂട്ടുമായി ആക്രമിച്ചുകളിച്ച ബാഴ്​സലോണയെ അവസാന അഞ്ചു​ മിനിറ്റിലെ രണ്ടു പിഴവിൽ അത്​ലറ്റികോ മഡ്രിഡ്​ പൊളിച്ചടുക്കി.

ഗോൾരഹിതമായ ഒന്നാം പകുതിക്കു​ ശേഷമായിരുന്നു അഞ്ചു​ ഗോളുമെത്തിയത്​. 46ാം മിനിറ്റിൽ ബാഴ്​സ പ്രതിരോധം പൊളിച്ച കൊകെ പകരക്കാരനായിറങ്ങി ആദ്യ ടച്ചിൽ തന്നെ വലകുലുക്കി അത്​ലറ്റി​േകായെ മുന്നിലെത്തിച്ചു. 51ാം മിനിറ്റിൽ ലയണൽ മെസ്സിയും 62ാം മിനിറ്റിൽ അ​​െൻറായിൻ ഗ്രീസ്​മാൻ തകർപ്പൻ ഹെഡറിലൂടെയും ബാഴ്​സയെ കളിയിൽ തിരികെയെത്തിച്ചു. ലീഡുയർത്താനുള്ള ശ്രമങ്ങൾക്കിടെയാണ്​ അവസാന 10 മിനിറ്റിനുള്ളിലെ വൻ മണ്ടത്തങ്ങൾ കളി തട്ടിയകറ്റുന്നത്​.

81ാം മിനിറ്റിൽ ബോക്​സിനുള്ളിൽ അത്​ലറ്റികോയുടെ വിറ്റോളോയെ ബാഴ്​സ ​ഗോളി നെറ്റോ ഫൗൾ ചെയ്​ത്​ വീഴ്​ത്തിയതിന്​ ലഭിച്ച പെനാൽറ്റി മൊറാറ്റ അനായാസം ലക്ഷ്യത്തിലെത്തിച്ചു.

86ാം മിനിറ്റിൽ ബാഴ്​സ ഡിഫൻഡർ പിക്വെയുടെ കാലിൽനിന്ന്​ പന്ത്​ റാഞ്ചിയ ​െമാറാറ്റ നൽകിയ ക്രോസ്​ ഫിനിഷ്​ ചെയ്യാനുള്ള ജോലിയേ എയ്​ഞ്ചൽ കൊറിയക്ക്​ ഉണ്ടായിരുന്നുള്ളൂ. ഇതോടെ ബാഴ്​സയുടെ കഥകഴിഞ്ഞു. കുട്ടികളെപ്പോലെ വരുത്തിയ പിഴവുകൾക്ക്​ ലഭിച്ച ഫലമെന്നായിരുന്നു തോൽവിയോട്​ മെസ്സിയുടെ പ്രതികരണം.