മെസ്സി തിളങ്ങുമെന്ന പ്രതീക്ഷയോടെ ദാദ റഷ്യയിലേക്ക്

കൊൽക്കത്ത: ഏതൊരു വംഗനാട്ടുകാരനെയുംപോലെ ഫുട്​ബാളിനെയും ക്രിക്കറ്റിനെയും ഒരേപോലെ നെഞ്ചേറ്റുന്ന വ്യക്തിയാണ്​ ഇന്ത്യൻ ക്രിക്കറ്റ്​ ഇതിഹാസം സൗരവ്​ ഗാംഗുലി. റഷ്യയിൽ ഒരുങ്ങുന്ന ഫുട്​ബാൾ ലോകകപ്പിൽ കട്ട ബ്രസിൽ ആരാധകനായിട്ട്​ കൂടി ലയണൽ മെസ്സിയിൽനിന്നു മിന്നുന്ന പ്രകടനത്തിനായി ഉറ്റുനോക്കുകയാണ്​ മുൻ ക്യാപ്​റ്റൻ.

‘‘മെസ്സിയിൽനിന്നു ഒരു മാജിക്കൽ പ്രകടനത്തിനായി ഞാൻ ഉറ്റുനോക്കുകയാണ്​. അദ്ദേഹത്തിന്​ ഇത് ഒരു മികച്ച ലോകകപ്പായി മാറ​െട്ട’’ -ഗാംഗുലി പറഞ്ഞു. ജൂലൈ 15ന്​ മോസ്​കോയിൽ നടക്കുന്ന ഫൈനൽ മത്സരത്തിന്​ ടിക്കറ്റെടുത്ത്​ റഷ്യയിലേക്ക്​ പറക്കാൻ കാത്തിരിക്കുകയാണ്​ ദാദ. ബ്രസീൽ, അർജൻറീന, ജർമനി എന്നീ ടീമുകളുടെ മത്സരങ്ങൾക്കാണ്​ ഗാംഗുലി ടിക്കറ്റെടുത്തിരിക്കുന്നത്​.  ​ ​