സൗദി ഫുട്​ബാൾ ടീം റഷ്യയിൽ; ’94 മറികടക്കുമെന്ന്​ പ്രതിജ്​ഞ

സൗദി ദേശീയ ടീമും ‘സൗദിയ’യുടെ പ്രത്യേക സംഘവും റഷ്യയിലേക്ക്​ പുറപ്പെടും മുമ്പ്​ ​േഫാ​േട്ടാക്ക്​ പോസ്​ ചെയ്​തപ്പോൾ

ജിദ്ദ: ഫുട്​ബാൾ ലോകകപ്പിനായി സൗദി അറേബ്യയുടെ ദേശീയ ടീം റഷ്യയിലെത്തി. ചരിത്രത്തിൽ സൗദിയുടെ വലിയ നേട്ടമായ 1994 ലെ രണ്ടാം റൗണ്ട്​ പ്രവേശമെന്ന റെക്കോഡ്​ മറികടക്കുമെന്ന പ്രതിജ്​ഞയുമായാണ്​ ടീം സ​​​​െൻറ്​പീറ്റേഴ്​സ്​ ബർഗ്​ വിമാനത്താവളത്തിൽ ഇറങ്ങിയത്​. വിമാനത്താവളത്തിൽ റഷ്യയിലെ സൗദി അംബാസഡർ ഡോ. റഇൗദ്​ ബിൻ ഖാലിദ്​ ഖിംലിയും മുതിർന്ന നയതന്ത്ര പ്രതിനിധികളും ടീമിനെ സ്വീകരിച്ചു. പിന്നാലെ ദേശീയ ടീമി​​​​​െൻറ ഒൗദ്യോഗിക ട്വിറ്റർ അക്കൗണ്ടിൽ ‘ഞങ്ങളിതാ എത്തി’ എത്തിയെന്ന പ്രഖ്യാപനവുമുണ്ടായി. 

12 വർഷത്തിന്​ ശേഷം ലോകകപ്പിന്​ യോഗ്യത നേടിയ ടീമി​​​​​െൻറ യാത്രക്കായി സൗദി അറേബ്യയുടെ ദേശീയ വിമാന കമ്പനിയായ സൗദിയ ഏറ്റവും പുതിയ വിമാനമാണ്​ ഒരുക്കിയത്​. സൗദി ഫുട്​ബാൾ ടീമി​​​​​െൻറ വിളി​േപ്പരായ ‘ഗ്രീൻ ഫാൽക്കണി’നെ അനുസ്​മരിപ്പിക്കുന്ന വിധത്തിൽ പ്രത്യേകം അലങ്കരിച്ചതാണ്​ വിമാനം. റഷ്യയിലേക്ക്​ പുറപ്പെടും മുമ്പ്​ ടീം അംഗങ്ങളും സൗദിയയുടെ പ്രത്യേക ജീവനക്കാരും വിമാനത്തിന്​ മുന്നിൽ നിന്ന്​ ഫോ​േട്ടാക്ക്​ പോസ്​ ചെയ്യുകയും ചെയ്​തു. 

സൗദി ടീമിനായി മോസ്്കോയിൽ ഒരുക്കിയ ബസ്​
 

ലോകകപ്പി​​​​​െൻറ ഉദ്​ഘാടന മത്സരത്തിൽ തന്നെ സൗദി അറേബ്യ കളത്തിലിറങ്ങുന്നുണ്ട്​. ഇതാദ്യമായാണ്​ ഒരു അറബ്​ ടീം ഉദ്​ഘാടന മത്സരം കളിക്കുന്നത്​. മോസ്​കോയിലെ ലുസ്​നികി സ്​റ്റേഡിയത്തിൽ വ്യാഴാഴ്​ച റഷ്യയോടാണ്​ കളി. കളി കാണാൻ സൗദി കിരീടാവകാശി അമീർ മുഹമ്മദ്​ ബിൻ സൽമാനും എത്തുന്നുണ്ട്​.  ഗ്രൂപ്പ്​ എ യിൽ ഇൗജിപ്​തും ഉറുഗ്വേയുമാണ്​ മറ്റുടീമുകൾ. റാങ്കിങ്ങിൽ താഴെ അടുത്തടുത്തുള്ള ടീമുകളാണ്​ സൗദിയും റഷ്യയും. 
പരിക്ക്​ കാരണം ആദ്യ മത്സരങ്ങൾ നഷ്​ടപ്പെടാനിടയുള്ള മുഹമ്മദ്​ സാലയുടെ അഭാവത്തിൽ ഇൗജിപ്​തി​​​​​െൻറ ശൗര്യം കുറയും. അങ്ങനെ വന്നാൽ ഉറുഗ്വേക്ക്​ ഒപ്പം അടുത്ത റൗണ്ടിലേക്ക്​ പ്രവേശനം ലഭിക്കുമെന്നാണ്​ സൗദി ആരാധകരുടെ പ്രതീക്ഷ.

യൂറോപ്പിൽ പലയിടത്തായി നടന്ന സന്നാഹ മത്സരങ്ങൾക്ക്​ ശേഷമാണ്​ സൗദി അറേബ്യ ലോകകപ്പിനെത്തുന്നത്​. അവസാന മത്സരത്തിൽ ജർമനിയോട്​ 2^1 ന്​ തോറ്റെങ്കിലും സൗദിയുടെ കളി ഏറെ മെച്ചപ്പെട്ടിരുന്നു. ജർമനിയുടെ രണ്ടുഗോളുകളിൽ ഒന്ന്​ സൗദി പ്രതിരോധ നിരക്കാര​​​​​െൻറ സെൽഫ്​ ഗോളും ആയിരുന്നു. യുവാൻ അ​േൻറാണിയോ പിസ്സിയാണ്​ സൗദിയുടെ കോച്ച്​. നാഭീപേശിയിലുണ്ടായ പരിക്ക്​ പൂർണമായും ഭേദമാകാത്തതിനാൽ വിംഗർ നവാഫ്​ അൽ ആബിദിനെ ഒഴിവാക്കിയുള്ള 23 അംഗ അന്തിമ ടീമിനെ കഴിഞ്ഞയാഴ്​ചയാണ്​ ​​പ്രഖ്യാപിച്ചത്​. സൗദി അറേബ്യയുടെ ഏറ്റവും ഭാവനാസമ്പന്നനായ കളിക്കാരിലൊരാളായി പരിഗണിക്കുന്ന നവാഫി​​​​​െൻറ അഭാവം ടീമിന്​ വലിയ നഷ്​ടമാണ്​. 

റഷ്യയിൽ ഇറങ്ങിയ ശേഷം ദേശീയ ടീമി​​​​െൻറ ട്വിറ്റർ അക്കൗണ്ടിൽ പോസ്​റ്റ്​ ചെയ്​ത അഭിവാദ്യം
 

സൗദി അറേബ്യയുടെ ലോകകപ്പ്​ ടീം:
ഗോൾകീപ്പർമാർ: യാസിർ അൽ മുസൈലിം, അബ്​ദുല്ല അൽമയൂഫ്​, മുഹമ്മദ്​ അൽ ഉവൈസ്​. ഡിഫൻഡർമാർ: ഉസാമ ഹവസാവി, മുതാസ്​ ഹവസാവി, ഉമർ ഹവസാവി, യാസൽ അൽശഹ്​റാനി, മൻസൂർ അൽഹാർബി, മുഹമ്മദ്​ അൽബുറൈക്​, അലി അൽ ബുലൈഹി. മിഡ്​ഫീൽഡർമാർ: അബ്​ദുല്ല ഉതൈഫ്​, തൈസീർ അൽജാസിം, ഹുസൈൻ അൽമുഖാഹ്​വി, സൽമാൻ അൽഫറാജ്​, സാലിം അൽദോസരി, ഫഹദ്​ അൽമുവല്ലദ്​, യഹ്​യ അൽശഹ്​രി, അബ്​ദുൽ മാലിക്​ അൽഖൈബരി, മുഹമ്മദ്​ കാനൂ, അബ്​ദുല്ല അഇ ഖൈബരി, ഹത്താൻ ബാഹിബ്രി. സ്​ട്രൈക്കർമാർ: മുഹമ്മദ്​ അൽ സഹ്​ലാവി, മുഹന്ന​ അസ്സീരി. 

COMMENTS

Please Note: ഇവിടെ കൊടുക്കുന്ന അഭിപ്രായങ്ങള്‍ മാധ്യമത്തിന്‍െറ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. 'മംഗ്ലീഷില്‍' എഴുതുന്ന അഭിപ്രായങ്ങള്‍ പോസ്റ്റ് ചെയ്യുന്നതല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക

top