ആറാം തമ്പുരാക്കന്മാർ; സ​ന്തോഷ്​ ട്രോഫി കേരളത്തിന്​

  • ഷൂട്ടൗട്ടിൽ രണ്ടിനെതിരെ നാലു ഗോൾക്കാണ് ബംഗാളിനെ തകർത്തത്

  • 14 വർഷത്തിന് ശേഷമാണ് കേരളം കിരീടം ചൂടിയത്

16:06 PM
01/04/2018
kerala santhosh trophy champion

കൊൽക്കത്ത: സാൾട്ട്​ലേക്ക്​ മൈതാനിയിൽ ആവേശകരമായ പെനാൽറ്റി ഷൂട്ടൗട്ടിലേക്ക്​​ നീങ്ങിയ സന്തോഷ്​ ട്രോഫി ഫൈനലിൽ ബദ്ധവൈരികളായ ബംഗാളിനെ തകർത്ത്​ കേരളത്തിന്​ ആറാം കിരീടം. പതിനാല്​ വർഷത്തിന്​ ശേഷമാണ് കേരളം​ സന്തോഷ്​ ട്രോഫി കിരീടത്തിൽ മുത്തമിടുന്നത്​. ഫലം: കേരളം  6-4 ബംഗാൾ

നിശ്ചിത സമയത്തിൽ 1-1 എന്ന സമനിലയിലായിരുന്നു ഇരു ടീമുകളും. അധിക സമയത്തി​​​​​​​​​​​​​െൻറ രണ്ടാം പകുതിയിൽ ഒാരോ ഗോളുകൾ വീതം വീണ്ടും അടിച്ച്​ 2-2 എന്ന നിലയിൽ സമാസമമായി തുടർന്നു. എന്നാൽ പെനാൽറ്റിയിലേക്ക്​​ നീങ്ങിയതോടെ മത്സരം കേരളത്തി​​​​​​​​​​​െൻറ വരുതിയിലേക്ക്​ വന്നു​. ​​ബംഗാളി​​​​​​​​​​​​​െൻറ ആദ്യത്തെ രണ്ട്​ അവസരങ്ങൾ തടഞ്ഞിട്ട്​ കേരളാ ഗോളി വി. മിഥുനാണ്​ കിരീട നേട്ടത്തിൽ നിർണായക പങ്കുവഹിച്ചത്​.

രാഹുല്‍ വി. രാജ്, ജിതിന്‍ ഗോപാലന്‍, ജസ്റ്റിന്‍, സീസണ്‍ എന്നിവര്‍ കേരളത്തിനായി പെനാൽറ്റിയിൽ ലക്ഷ്യം കണ്ടു. ക്യാപ്റ്റന്‍ ജിതേന്‍ മുര്‍മുവിനെ ഗോള്‍കീപ്പറാക്കി ബംഗാള്‍ ചെറിയൊരു പരീക്ഷണം നടത്തി നോക്കിയെങ്കിലും ഫലം കണ്ടില്ല.

2004ല്‍ പഞ്ചാബിനെ തകർത്താണ്​ കേരളം അവസാനമായി സന്തോഷ്​ ട്രോഫി നേടിയത്​. ഡല്‍ഹിയിലായിരുന്നു മത്സരം. 2013ൽ ഫൈനലിലെത്തിയെങ്കിലും സർവീസസിനോട്​ പരാജയപ്പെട്ടു. നീണ്ട 14 വർഷത്തിന്​ ശേഷം കരുത്തരായ ബംഗാളിനെ ആദ്യമായി ഫൈനലിൽ കീഴടക്കി ഒരിക്കൽ കൂടി കിരീടം മലയാള മണ്ണിലേക്ക്​ എത്തിച്ചിരിക്കുകയാണ്​ സതീവൻ ബാല​​​​​െൻറ ചുണക്കുട്ടികൾ.

kerala-team.jpg
കിരീടം നേടിയ കേരളാ ടീം
 

ആദ്യ പകുതി കേരളത്തിന്​.

കളി തുടങ്ങിയത്​ മുതൽ ബംഗാളി​​​​​െൻറ ആക്രമണമായിരുന്നു സാൾട്ട്​ലേക്ക്​ മൈതാനിയിൽ. 9ാം മിനിറ്റിൽ തന്നെ ഫ്രീകിക്കിലൂടെ കേരളത്തിന്​ മികച്ച അവസരം ലഭിച്ചിരുന്നുവെങ്കിലും ഗോളാക്കി മാറ്റാനായില്ല. എന്നാൽ 19ാം മിനിറ്റിൽ ബംഗാളി​​​​​െൻറ ഒരു മുന്നേറ്റം തകർത്ത്,​ കൈക്കലാക്കിയ പന്തുമായി കേരളാ ടീം കുതിച്ചു. എം.എസ് ജിതി​​​​​​​​​ന്​ ഗ്രൗണ്ടി​​​​​െൻറ മധ്യ ഭാഗത്തുനിന്നും സീസൺ നൽകിയ പാസ്​ ലക്ഷ്യം തെറ്റാതെ ബംഗാളി​​​​​െൻറ വലയിലേക്ക്​.  

ഗോൾ മടക്കാൻ ബംഗാളും ലീഡുയർത്തി കിരീട സാധ്യത നിലനിർത്താൻ കേരളവും ആദ്യ പകുതിയിൽ കിണഞ്ഞു ശ്രമിച്ചെങ്കിലും അവസരങ്ങൾ മുതലാക്കാനായില്ല. സെമിയിലെ താരം അഫ്​ദലും ആദ്യ ഗോൾ നേടിയ ജിതിനും​ ഒന്നിലധികം അവസരങ്ങൾ കളഞ്ഞു കുളിച്ചു.

പ്രതീക്ഷ തകർത്ത രണ്ടാം പകുതി

68ാം മിനിറ്റിലാണ്​ കേരളാ ടീമി​​​​​െൻറ ആവേശം കെടുത്തിയ ഗോൾ പിറന്നത്​. രാജൻ ബർമ​​​​​െൻറ അളന്നു മുറിച്ച ക്രോസ്​ ബംഗാൾ നായകൻ ജിതേൻ മുർമു ഗോൾ വലയിലെത്തിച്ചു. രണ്ടാം പകുതിയിൽ ബംഗാളി​​​​​െൻറ പ്രതിരോധനിര പലഘട്ടങ്ങളിലും പതറിയെങ്കിലും കേരള നിരക്ക് മുതലെടുക്കാനാവാതെ പോവുകയായിരുന്നു​. 

നാടകീയമായ അധിക സമയം

ആക്രമ പ്രത്യാക്രമണങ്ങൾ കൊണ്ട്​ സജീവമായ അധിക സമയത്തിൽ ബംഗാളി​​​​​െൻറ രാജൻ ബർമൻ കേരളാ ഗോളിയെ വീഴ്​ത്തി ചുവപ്പ്​ കാർഡ്​ കണ്ടു. തുടർന്ന് പത്തുപേരുമായാണ്​ അവർ​ കളിച്ചത്​. 

അധിക സമയത്തി​​​​​െൻറ അവസാനം നാല്​ മിനിറ്റ്​ ബാക്കി നിൽകെ അതിമനോഹരമായ ഹെഡ്ഡറിലൂടെ കേരളത്തിന്​ വേണ്ടി ബിപിൻ തോമസ്​ ലീഡുയർത്തി. 2-1ന്​ കേരളം മുന്നിൽ. എന്നാൽ കളി തീരാൻ സെക്കൻറുകൾക്ക്​ മുമ്പ്​ ലഭിച്ച ഫ്രീകിക്ക്​ ബംഗാൾ താരം തിർങ്കർ സർക്കാർ ഉന്നം തെറ്റാതെ കേരളാ പോസ്​റ്റിലേക്ക്​ കയറ്റിയതോടെ മത്സരം നിരാശ സമനിലയിലേക്ക്​. പെനാൽട്ടി ഷൂട്ടൗട്ടിലേക്ക് നീങ്ങിയെങ്കിലും ഫലം: കേരളത്തിന്​ ആറാം കിരീടം​​.

Loading...
COMMENTS