ജിങ്കാൻ ബ്ലാസ്​റ്റേഴ്​സിൽ തുടരും

കൊച്ചി: പ്രതിരോധ നിരയിലെ ബ്ലാസ്​റ്റേഴ്​സി​​െൻറ കുന്തമുന സന്ദേശ്​ ജിങ്കാൻ ടീമിൽ തുടരും. ജിങ്കാനുമായി മൂന്ന്​ വർഷത്തേക്ക്​ ബ്ലാസ്​റ്റേഴ്​സ്​ കരാർ ഒപ്പിട്ടു. സി.കെ വിനീത്​, മെഹ്​താബ്​ എന്നിവരുമായി ബ്ലാസ്​റ്റേഴ്​സ്​ കരാർ പുതുക്കിയിട്ടുണ്ട്​.

കഴിഞ്ഞ സീസണിൽ ബ്ലാസ്​റ്റേഴ്​സി​​െൻറ പ്രതിരോധ നിരയിലെ നിർണായക സാന്നിധ്യമായിരുന്നു ജിങ്കാൻ. ആക്രമണത്തേക്കാളുപരി പ്രതിരോധ നിരയുടെ കരുത്തിലായിരുന്നു ബ്ലാസ്​റ്റേഴ്​സ്​ പല മൽസരങ്ങളും ജയിച്ച്​ കയറിയത്​. ഇൗയൊരു സാഹചര്യത്തിലാണ്​ ജിങ്കാനെ നില നിർത്തേണ്ടത്​ ബ്ലാസ്​റ്റേഴ്​സിനെ സംബന്ധിച്ചടുത്തോളം നിർണായകമായത്​​.