േഛത്രിക്കുശേഷം സഹൽ ഇന്ത്യയുടെ സൂപ്പർതാരമാകും , പ്രവചനവുമായി ബൂട്ടിയ
text_fieldsകൊൽക്കത്ത: സുനിൽ ഛേത്രിക്കുശേഷം ഇന്ത്യൻ ഫുട്ബാളിലെ സൂപ്പർതാരം മലയാളി യുവതാരം സഹൽ അബ്ദുൽ സമദായിരിക്കുമെന്ന് ബൈച്യൂങ് ബൂട്ടിയ. േഛത്രി വിരമിച്ചതിനുശേഷം ഇന്ത്യയുടെ ടോപ്പ് സ്കോറർ സഹൽ ആയിരിക്കുമെന്നും ബൂട്ടിയ അഭിപ്രായപ്പെട്ടു. ഇന്ത്യൻ സൂപ്പർ ലീഗിനായി നടത്തിയ ഇൻസ്റ്റഗ്രാം ലൈവിനിടെയാണ് ബൂട്ടിയ അഭിപ്രായ പ്രകടനം നടത്തിയത്.
‘‘ ഗോൾ നേടുന്നതിൽ സുനിൽ ഛേത്രിക്കു ശേഷം ഇന്ത്യയുടെ പ്രധാന താരമായി സഹൽ മാറും. അറ്റാക്കിങ് മിഡ്ഫീൽഡറുടെ റോളിലാണ് സഹൽ കൂടുതലും കളിക്കുന്നത്. ഗോളടിക്കുന്ന കാര്യത്തിലും ഷോട്ടുകളുതിർക്കുന്ന കാര്യത്തിലും കുറച്ചുകൂടി ആത്മവിശ്വാസം കാണിച്ചാൽ സഹലിന് കൂടുതൽ ഗോളുകൾ കുറിക്കാൻ സാധിക്കും’’ - ബൂട്ടിയ അഭിപ്രായപ്പെട്ടു.
സുനിൽ ഛേത്രിയുടെ സ്ഥാനത്തേക്ക് ഇന്ത്യക്ക് എളുപ്പത്തിൽ പ്രതിഷ്ഠിക്കാവുന്ന താരമാണ് സഹൽ. ഇന്ത്യൻ ഫുട്ബാളിെൻറ ഭാവിയായി മാറാൻ സഹലിനാകുമെന്നും ബൂട്ടിയ കൂട്ടിച്ചേർത്തു.
ഇന്ത്യയുടെ അടുത്ത ഛേത്രി സഹൽ ആകുമെന്ന് നേരത്തേ കേരള ബ്ലാസ്റ്റേഴ്സ് നായകൻ ബാർതലോമ്യൂ ഓഗ്ബച്ചെ അഭിപ്രായപ്പെട്ടിരുന്നു. ഫേസ്ബുക്ക് ലൈവിൽ ഒരു ആരാധകൻ ചോദിച്ച ചോദ്യത്തിന് മറുപടി പറയവേയാണ് ഓഗ്ബച്ചെ അഭിപ്രായ പ്രകടനം നടത്തിയിരുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.