ഇൻറർ മിലാ​െൻറ ഏറ്റവും പ്രായം കുറഞ്ഞ ഗോൾസ്​കോററായി 17കാരൻ എസ്​പോസി​േറ്റാ

മിലാൻ: ത​​െൻറ പേരിൽ കുറിക്കപ്പെടേണ്ട ആ ഗോളിനേക്കാൾ ചരിത്രപ്പിറവിയിലേക്ക്​ പന്തുളുരുന്നത്​ കാണാനായിരുന്നു റൊമേലു ലുകാകുവി​​െൻറ താൽപര്യം. ജെനോവയുടെ വലയിലേക്ക്​ സെബാസ്​റ്റ്യാനോ എസ്​പോസിറ്റോ എന്ന പതിനേഴുകാരൻ പയ്യൻ പെനാൽറ്റി സ്​പോട്ടിൽനിന്ന്​ നിലംപ​െറ്റ വെടിയുതിർക്കു​േമ്പാൾ ആശീർവദിച്ചനുഗ്രഹിച്ച്​ കൗമാരക്കാരന്​ പന്തു നൽകിയ ബെൽജിയൻ സ്​ട്രൈക്കറായിരുന്നു താരം.

ഇൻറർമിലാനുവേണ്ടി എസ്​പോസിറ്റോയുടെ കിക്ക്​ വലയുടെ വലതുപോസ്​റ്റിനോടു​ ചേർന്ന്​ പാഞ്ഞുകയറിയപ്പോൾ പിറന്നത്​ പുതിയ ചരിത്രം. 17 വർഷവും 172 ദിവസവും പ്രായമുള്ള എസ്​പോസി​േറ്റാ ഇൻറർ മിലാ​​െൻറ ഏറ്റവും പ്രായം കുറഞ്ഞ ഗോൾസ്​കോററായി കളിയുടെ കണക്കുപുസ്​തകങ്ങളിൽ ഇടം പിടിച്ചു. 1958ൽ മരിയോ കോർസോ കുറിച്ച, 60 വർഷത്തിലേറെ പഴക്കമുള്ള റെക്കോഡാണ്​ പഴങ്കഥയായത്​. ലുകാകുവി​​െൻറ ഇരട്ടഗോൾ മികവിൽ ജെനോവയെ 4-0ത്തിന്​ തകർത്ത ഇൻറർ മിലാൻ യുവൻറസിനെ പിന്തള്ളി സീരീ എയിൽ പോയൻറ്​ പട്ടികയിൽ ഒന്നാമ​െതത്തി.

ഈ സീസണിൽ ഇൻററിലെത്തിയ​േശഷം തകർപ്പൻ ഫോം തുടരുന്ന ലുകാകു, 31ാം മിനിറ്റിൽ അ​േൻറാണിയോ കോൺഡ്രീവയുടെ ക്രോസിൽ ഹെഡറുതിർത്ത്​ ടീമിനെ മുന്നിലെത്തിച്ചു. അടുത്ത മിനിറ്റിൽ റോബർ​ട്ടോ ഗാഗ്ലിയാർഡിനിക്ക്​ രണ്ടാംഗോൾ നേടാൻ പാസ്​ നൽകിയതും ലു​കാകു. 64ാം മിനിറ്റിൽ ഗാഗ്ലിയാർഡിനിയെ വീഴ്​ത്തിയതിന്​ ലഭിച്ച പെനാൽറ്റി കിക്കെടുക്കാൻ എത്തിയത്​ ടീമി​​െൻറ സ്​പോട്​കിക്ക്​ സ്​പെഷലിസ്​റ്റായ ലുകാകു.

Lukaku could've had a hatrick but allowed 18-yr old Esposito to take the penalty for Inter on his debut pic.twitter.com/EDzQ5kXRe9

— mx (@LeooMessi10i) December 21, 2019

എന്നാൽ, പ്രഫഷനൽ ഫുട്​ബാളിൽ ഇതുവരെ ഒരുഗോൾപോലും നേടിയിട്ടില്ലാത്ത, ഇൻററി​​െൻറ സ്​റ്റാർട്ടിങ്​ ലൈനപ്പിൽ ആദ്യമായി ബൂട്ടുകെട്ടിയിറങ്ങിയ എസ്​പോസിറ്റോയെ കിക്കെടുക്കാൻ ലുകാകു ക്ഷണിച്ചത്​ അതിശയമായി. എതിർഗോളിയെ വീഴ്​ത്തി കൗമാരക്കാരൻ ലീഡുയർത്തിയതിനുശേഷം ലോങ്​ റേഞ്ചറിലൂടെ ലുകാകു ടീമി​​െൻറ നാലാം​േഗാൾ നേടി. പെനാൽറ്റി സ്വയം എടുത്തിരുന്നെങ്കിൽ ഹാട്രിക്​ നേടാമായിരുന്ന 26കാരനെ​, പക്ഷേ എസ്​പോസിറ്റോക്ക്​ അവസരമൊഴുക്കിയതി​​െൻറ പേരിൽ ഫുട്​ബാൾ ലോകം വാഴ്​ത്തുകയാണ്​.

ഗാലറിയിൽ കളി കാണാനുണ്ടായിരുന്ന മാതാവിനാണ്​ എസ്​പോസിറ്റോ ഗോൾനേട്ടം സമർപ്പിച്ചത്​. ക്ലബിനും ടീമംഗങ്ങൾക്കും സുഹൃത്തുക്കൾക്കും നന്ദി പറഞ്ഞ താരം, ലുകാകുവിനെ​ പ്രത്യേകം പരാമർശിച്ചു. ‘റൊമേലു ഉജ്ജ്വല കളിക്കാരനും മികച്ച വ്യക്​തിയുമാണ്​. പെനാൽറ്റി സ്​പോട്ടിൽചെന്ന്​ ഉറച്ച തീരുമാനമെടുത്ത്​ പന്തടിച്ചു കയറ്റാനായിരുന്നു അദ്ദേഹം പറഞ്ഞത്​’ -എസ്​പോസിറ്റോ വ്യക്​തമാക്കി. മറ്റൊരു മത്സരത്തിൽ അത്​ലാൻറ എതിരില്ലാത്ത അഞ്ചുഗോളുകൾക്ക്​ എ.സി മിലാനെ നിലംപരിശാക്കി. സീരീ എ ചരിത്രത്തിൽ മിലാ​​െൻറ വമ്പൻ ​തോൽവികളിലൊന്നാണിത്​.