ഗോളടിയിൽ റെക്കോഡിട്ട്​ ലെ​വ​ൻ​ഡോ​വ്​​സ്​​കി; രണ്ടാം സ്​ഥാനം ഉറപ്പിച്ച്​ ഡോർട്​മുണ്ട്​

മ്യൂ​ണി​ക്​: തു​ട​ർ​ച്ച​യാ​യി എ​ട്ടാം കി​രീ​ട​മ​ണി​ഞ്ഞി​ട്ടും ജൈ​ത്ര​യാ​ത്ര അ​വ​സാ​നി​പ്പി​ക്കാ​തെ ബ​യേ​ൺ മ്യൂ​ണി​ക്. ബു​ണ്ട​സ്​ ലി​ഗ​യി​ൽ ത​ങ്ങ​ളു​ടെ 33ാം മ​ത്സ​ര​ത്തി​ൽ ഫ്രി​ബ​ർ​ഗി​നെ 3-1നാ​ണ്​ കീ​ഴ​ട​ക്കി​യ​ത്. റോ​ബ​ർ​​ട്ട്​ ലെ​വ​ൻ​ഡോ​വ്​​സ്​​കി ഇ​ര​ട്ട ഗോ​ള​ടി​ച്ച​പ്പോ​ൾ ജോ​ഷ്വാ കി​മ്മി​ഷി​െൻറ വ​ക​യാ​യി​രു​ന്നു ഒ​രു ഗോ​ൾ. ഇ​തോ​ടെ സീ​സ​ണി​ൽ ഗോ​ളെ​ണ്ണം 33ലെ​ത്തി​ച്ച ലെ​വ​ൻ​ഡോ​വ്​​സ്​​കി ബു​ണ്ട​സ്​ ലി​ഗ​യി​ൽ ഏ​റ്റ​വും കൂ​ടു​ത​ൽ ഗോ​ൾ നേ​ടു​ന്ന വി​ദേ​ശ​താ​ര​മാ​യി. പി​യ​റി എം​റി​ക്​ ഒ​ബു​മെ​യാ​ങ്ങി​നെ​യാ​ണ്​ മ​റി​ക​ട​ന്ന​ത് (31 ഗോ​ൾ, 2016-17 ബൊ​റൂ​സി​യ ഡോ​ർ​ട്​​മു​ണ്ട്​).

ലീഗിലെ രണ്ട്​, മൂന്ന്​ സ്​ഥാനക്കാർ നേരി​ട്ട്​ ഏറ്റുമുട്ടിയ മത്സരത്തിൽ കരുത്തരായ ആർ.ബി ലെപ്​സിഷിനെ എതിരില്ലാത്ത രണ്ടുഗോളുകൾക്ക്​ തോൽപിച്ച്​ ബൊറൂസിയ ഡോർട്​മുണ്ട്​ റണ്ണേഴ്​സ്​ അപ്പായി. നോർവീജിയൻ കൗമാര താരം എർലിങ്​ ഹാലൻഡ് ഇരട്ടഗോൾ ​േനടി. ​30ാം മിനിറ്റിലും ഇഞ്ച്വറി സമയത്തുമായിരുന്നു ഹാലൻഡി​െൻറ ഗോളുകൾ.

റെഡ്​ബുൾ സാൽസ്​ബർഗിൽ നിന്നും സീസൺ മധ്യത്തിൽ ജർമനിയിലെത്തിയ ഹാലൻഡ്​ 14 മത്സരങ്ങളിൽ നിന്നും 13 ഗോൾ നേടി. സീസണിൽ ഇതുവരെ സാൽസ്​ബർഗിനും ഡോർട്​മുണ്ടിനുമായി 39 മത്സരങ്ങളിൽ നിന്നായി ഹാലൻഡ്​ 44 ഗോളുകളാണ്​ അടിച്ചുകൂട്ടിയത്​. അവസാനക്കാരായ പഡേർബോണിനെ 3-1ന്​ തോൽപിച്ച്​ മോൻഷൻഗ്ലാഡ്​ബാഹ്​ ചാമ്പ്യൻസ്​ ലീഗ്​ പ്രതീക്ഷകൾ സജീവമാക്കി.

33 മത്സരങ്ങളിൽ നിന്നും ഡോർട്​മുണ്ടിന്​ 69 പോയൻറും ലെപ്​സിഷിന്​ 63 പോയൻറുമാണുള്ളത്​. മറ്റൊരു മത്സരത്തിൽ എഫ്​.എസ്​.വി മെയ്​ൻസിനോട്​ 3-1ന്​ തോറ്റ വെർഡർ ബ്രെമൻ തരംതാഴ്​ത്തൽ മേഖലയിലെത്തി. 33 മത്സരങ്ങളിൽ നിന്നും 28 പോയൻറ്​ മാത്രമുള്ള ബ്രെമന്​ 28 പോയൻറാണുള്ളത്​.

ചാമ്പ്യൻമാരായ ബയേൺ മ്യൂണിക്കും രണ്ടാം സ്​ഥാനക്കാരായി ഡോർട്​മുണ്ടും ചാമ്പ്യൻസ്​ ലീഗ്​ ബെർത്തുറപ്പിച്ചു​. ലെപ്​സിഷ്​, ബൊറൂസിയ മോൻഷൻഗ്ലാഡ്​ബാഹ്​, ബയേർ ലെവർകുസൻ എന്നീ ടീമുകളാണ്​ ശേഷിക്കുന്ന രണ്ട്​ സ്​ഥാനങ്ങൾക്കായി പോരാടുന്നത്​.