Begin typing your search above and press return to search.
exit_to_app
exit_to_app
Posted On
date_range 13 Jun 2018 10:00 AM GMT Updated On
date_range 13 Jun 2018 10:00 AM GMTറഷ്യയിൽ തകർന്നേക്കാവുന്ന റെക്കോഡുകൾ
text_fieldsbookmark_border
- 135 -ഉറുഗ്വായ്യും പോർചുഗലും പ്രീക്വാർട്ടറിൽ ഏറ്റുമുട്ടിയാൽ കോച്ചുമാരായ ഒസ്കാർ ടെബറസിെൻറയും ഫെർണാണ്ടോ സാേൻറാസിെൻറയും വയസ്സ് കൂട്ടിയാൽ ഇത്രയുമാവും. ഇക്കാര്യത്തിൽ നിലവിലെ റെക്കോഡ് 2010ൽ ഗ്രീസും നൈജീരിയയും മുഖാമുഖം നിരന്നപ്പോഴുള്ള പരിശീലകരായ ഒാേട്ടാ റാഹേലിെൻറയും ലാർസ് ലാഗർബാക്കിെൻറയും കൂടിയുള്ള 133 വയസ്സാണ്.
- 43 -ഇൗജിപ്ത് ഗോൾകീപ്പർ ഇസ്സാം അൽഹദാരി കളത്തിലിറങ്ങിയാൽ ലോകകപ്പ് ചരിത്രത്തിൽ ഏറ്റവും പ്രായംകൂടിയ താരത്തിെൻറ റെക്കോഡ് സ്വന്തമാവും. കഴിഞ്ഞ ലോകകപ്പിൽ കളിച്ച കൊളംബിയൻ ഗോളി ഫാരിദ് മോൻഡ്രാഗോണിെൻറ (43 വയസ്സ്) പേരിലാണ് റെക്കോഡ്.
- 13 -അപരാജിത മത്സരങ്ങളുടെ റെക്കോഡ്. 1954 ലോകകപ്പ് ക്വാർട്ടർ ഫൈനലിൽ ഹംഗറിക്കെതിരെ തോറ്റതിനുശേഷം 66 ലോകകപ്പ് ഗ്രൂപ് ഘട്ടത്തിൽ അതേ ടീമിനെതിരെ പരാജയപ്പെടുന്നതുവരെ 13 കളികൾ തോൽക്കാതിരുന്ന ബ്രസീലിെൻറ പേരിലാണ് റെക്കോഡ്. 2010 ലോകകപ്പ് സെമിയിൽ സ്പെയിനിനോട് തോറ്റശേഷം പരാജയമറിഞ്ഞിട്ടില്ലാത്ത ജർമനിക്ക് ഇത്തവണ അഞ്ചു മത്സരങ്ങളിൽ കൂടി തോൽക്കാതിരുന്നാൽ ഇതിനൊപ്പമെത്താം.
- 05 -ഇത്തവണയും അഞ്ചു ഗോളുകൾ സ്കോർ ചെയ്താൽ ജർമനിയുടെ തോമസ് മ്യൂളർക്ക് മൂന്ന് ലോകകപ്പുകളിൽ ഇൗ നേട്ടം കൈവരിക്കുന്ന ആദ്യ കളിക്കാരനായി മാറാം. മ്യൂളർ കഴിഞ്ഞ രണ്ടു ലോകകപ്പുകളിലും അഞ്ചുവീതം ഗോളുകൾ നേടിയിരുന്നു. ജർമനിയുടെ മിറോസ്ലാവ് ക്ലോസെ, പെറുവിെൻറ തിയോഫിലോ ക്യൂബിലാസ് എന്നിവർ മൂന്നു ലോകകപ്പുകളിൽ നാലുവീതം ഗോളുകൾ സ്കോർ ചെയ്തിട്ടുണ്ട്.
- 05 -മെക്സിേകായുടെ റാഫേൽ മാർക്വസ് റഷ്യയിൽ കളിച്ചാൽ അഞ്ചു ലോകകപ്പുകളിൽ പന്തുതട്ടിയ മൂന്നാമത് താരമാവും. മെക്സികോയുടെ തന്നെ അേൻറാണിയോ കാർബഹാൽ, ജർമനിയുടെ ലോതർ മത്തായൂസ് എന്നിവരാണ് അഞ്ചു ലോകകപ്പുകളിൽ കളിച്ചവർ. ഇറ്റലിയുടെ ജിയാൻലൂയിജി ബുഫൺ അഞ്ചു ലോകകപ്പ് ടീമുകളിലുണ്ടായിരുന്നെങ്കിലും 1998ൽ കളത്തിലിറങ്ങാനായില്ല.
- 04 -ആസ്ട്രേലിയയുടെ ടിം കാഹിൽ, മെക്സികോയുടെ റാഫേൽ മാർക്വസ്, പോർചുഗലിെൻറ ക്രിസ്റ്റ്യാനോ റൊണാൾഡോ എന്നിവർ റഷ്യയിൽ ഗോളടിച്ചാൽ നാലു ലോകകപ്പുകളിൽ ആ നേട്ടം കൈവരിക്കുന്ന കളിക്കാരാവും. ബ്രസീലിെൻറ പെലെ, ജർമനിയുടെ ഉൗവ്സീലർ, മിറോസ്ലാവ് ക്ലോസെ എന്നിവരാണ് മൂന്നിലധികം ലോകകപ്പുകളിൽ സ്കോർ ചെയ്തിട്ടുള്ളവർ.
- 03 -ഫ്രാൻസ് കപ്പടിച്ചാൽ ദിദിയർ ദെഷാംപ്സ് കളിക്കാരനും കോച്ചുമായി കിരീടം നേടുന്ന മൂന്നാമത്തെയാളാവും. ബ്രസീലിെൻറ മാരിയോ സഗാലോ (58ൽ കളിക്കാരൻ, 62ൽ കോച്ച്), ജർമനിയുടെ ഫ്രൻസ് ബെക്കൻബോവർ (74ൽ കളിക്കാരൻ, 90ൽ കോച്ച്) എന്നിവരാണ് മുൻഗാമികൾ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story