ഗാരത്​ ബെയ്​ലിന്​ ഇരട്ട ഗോൾ; റയൽ മഡ്രിഡിന്​ ആറു ഗോൾ ജയം

മഡ്രിഡ്​: സാൻറിയാഗോ ബെർണബ്യൂവിലെ അവസാന ഹോം മത്സരത്തിനിറങ്ങിയ റയൽ മഡ്രിഡ്​ എതിരില്ലാത്ത ആറു ഗോളുകൾക്ക്​ സെൽറ്റാ വിഗോയെ തകർത്തു. സൂപ്പർ താരം ക്രിസ്​റ്റ്യാനോ റൊണാൾഡോ ഇല്ലാതെ ഇറങ്ങിയ റയലിനായി ഇരട്ട​ ഗോൾ നേടിയ ഗാരത്​ ബെയ്​ൽ ചാമ്പ്യൻസ്​ ​േട്രാഫി ഫൈനലിൽ അവസാന ഇലവനിൽ സ്​ഥാനം ഉറപ്പാക്കാനുള്ള പുറപ്പാടിലാണ്​. ഇസ്കോ, അഷ്​റഫ്​ ഹകിമി, ​േടാണി ക്രൂസ്, സെർജി ഗോമസ് എന്നിവരാണ്​ മറ്റ്​ സ്​കോറർമാർ. 

ലൂകാ മോഡ്രിച്ച്​​ നൽകിയ ക്രോസിൽ 13ാം മിനിറ്റിലായിരുന്നു ബെയ്​ലി​​​െൻറ ആദ്യ ഗോൾ പിറന്നത്​. 30ാം മിനിറ്റിൽ ബെയ്​ൽ ഇരട്ടഗോൾ തികച്ചു. രണ്ട്​ മിനിറ്റുകൾക്കകം​ ഇസ്​കോ റയലിനായി മൂന്നാം ഗോൾ വലയിലാക്കി. 52ാം മിനിറ്റിൽ മൊറോക്കൻ യുവതാരം അഷ്​റഫ്​ ഹക്കീമിയുടെ ഗോളിലൂടെ റയൽ 4-0ന്​ മുന്നിലെത്തി. 74ാം മിനിറ്റിൽ സെർജി ഗോമസി​​​െൻറ വക സെൽഫ്​ ഗോളും പിറന്നതോടെ സെൽറ്റാവിഗോ തകർന്നു. കളിതീരാൻ ഒമ്പത്​ മിനിറ്റ്​ മാത്രം ബാക്കിനിൽ​െക്ക വലകുലുക്കിയ ടോണി ക്രൂസ്​ ഗോൾപട്ടിക പൂർത്തിയാക്കി. 

വിയ്യാറയലുമായാണ് റയലി​​​െൻറ അവസാന ലീഗ് പോരാട്ടം. 37 മത്സരങ്ങളിൽനിന്ന്​ 75 പോയൻറുമായി റയൽ ലീഗിൽ മൂന്നാംസ്ഥാനം ഉറപ്പിച്ചു. 90 പോയൻറുമായി ബാഴ്​സലോണ ഒന്നാംസ്​ഥാനത്തും 78 പോയ​േൻറാടെ അയൽക്കാരായ അത്​ലറ്റികോ മഡ്രിഡ്​ രണ്ടാംസ്​ഥാനത്തും നിൽക്കുന്നു. 27ന്​ കിയവിൽ ചാമ്പ്യൻസ് ലീഗ് ഫൈനലിൽ ലിവർപൂളിനെ നേരിടും.