റയലിന്​ തുടർച്ചയായ രണ്ടാം മത്സരത്തിലും സമനില

റയൽ മഡ്രിഡ്​: ചാമ്പ്യൻമാരായ റയൽ മഡ്രിഡ്​​ പുതിയ സീസണിൽ ഇനിയും ട്രാക്കിലായിട്ടില്ല. തുടർച്ചയായ രണ്ടാം മത്സരത്തിലും വിജയിക്കാനാവാത്തതോടെ റയലി​​െൻറ തലയിലെ ‘കുരുക്ക്​’ ഇനിയും അഴിഞ്ഞിട്ടില്ലെന്നുറപ്പായി. സാൻറിയാഗോ ബെർണബ്യൂവിലെ രണ്ടാം മത്സത്തിൽ ലവാ​​െൻറയാണ്​ റയലിനെ 1-1ന്​ സമനിലയിൽ തളച്ചത്​. കഴിഞ്ഞ മത്സരത്തിൽ വലൻസിയയും റയലിനെ 2-2ന്​ സമനിയിൽ പൂട്ടിയിരുന്നു.

നിർഭാഗ്യം കൂടെക്കൂടിയ ദിനത്തിൽ, ആരാധകർക്കു​മുമ്പിൽ ആർത്തിരമ്പി കളിച്ചെങ്കിലും തലവരമാറ്റാൻ റയലിനായില്ല. 12ാം മിനിറ്റിൽ വഴങ്ങിയ ഗോളിന്​ 36ാം മിനിറ്റൽ ലൂകാസ്​ വസ്​കസിലൂടെ റയൽ തിരിച്ചടിച്ചെങ്കിലും വിജയ ഗോൾ നേടാനായില്ല. 89ാം മിനിറ്റിൽ മാഴ്​സലോക്ക്​ചുവപ്പു കാർഡ്​ കണ്ട്​ പുറത്തുപോവേണ്ടിവന്നതോടെ സമനില മറികടക്കില്ലെന്ന്​ ഉറപ്പാവുകയും ചെയ്​തു. സസ്​പെൻഷൻ കാരണം ക്രിസ​്​റ്റ്യാനോ റൊ​ണാൾഡോ മത്സരത്തിനില്ലായിരുന്നു.