ഗോൾരഹിത സമനില; അവസരം കളഞ്ഞുകുളിച്ച് റയൽ മഡ്രിഡ്​

മഡ്രിഡ്​: ഒന്നാം സ്​ഥാനത്തുള്ള ബാഴ്​സലോണയുമായി പോയൻറ്​ വ്യത്യാസം കുറക്കാൻ ലഭിച്ച അവസരം റയൽ മഡ്രിഡ്​ കളഞ്ഞുകുളിച്ചു. ​ക്രിസ്​റ്റ്യാനോ റെ​ാ​ണാൾഡോയുടെയും റയൽ മഡ്രിഡി​​െൻറയും ലാലിഗയിലെ ഗോൾ വരൾച്ച ഒരിക്കൽക്കൂടി അടയാളപ്പെടുത്തിയ മത്സരത്തിൽ, 15ാം സ്​ഥാനക്കാരായ അത്​ലറ്റിക്കോ ബിൽബാവോയോട്​ റയൽ മഡ്രിഡിന് (0-0)​ ഗോൾരഹിത സമനില. ​കഴിഞ്ഞ ദിവസം ബാഴ്​സലോണ സെൽറ്റ വിഗോയോടും(2-2) സമനിലയിൽ കുരുങ്ങിയിരുന്നു.

ക്രിസ്​റ്റ്യാനോ റെണാൾഡോ, കരിം ബെൻസേമ, ഇസ്​കോ തുടങ്ങി താരപ്പടയുമായാണ്​ റയൽ എതിരാളികളായ അത്​ലറ്റികോ ബിൽ​ബാവോയോട്​ എതിരിടാനെത്തിയതെങ്കിലും ഇൗ സീസണിൽ കൂ​െടക്കൂടിയ ദൗർഭാഗ്യം ഇത്തവണയും മുഴച്ചുനിന്നു. 86ാം മിനിറ്റിൽ സെർജിയോ റ​ാമോസ്​ രണ്ടാം മഞ്ഞക്കാർഡ്​ കണ്ട്​ പുറത്തുപോവേണ്ടിവന്നതോടെ ചാമ്പ്യന്മാരുടെ കണക്കുകൂട്ടൽ തീർത്തും തെറ്റി. റാമോസി​​െൻറ കരിയറിലെ 24ാം ചുവപ്പു കാർഡാണിത്​. 14 മത്സരത്തിൽ ബാഴ്​സക്ക്​ 36ഉം റയലിന്​ 28ഉം ​േപായൻറാണുള്ളത്​.