ഖത്തർ ലോകകപ്പി​െൻറ തീയതിയായി

മോസ്​കോ: 2022ലെ ഖത്തർ ലോകകപ്പ്​ നവംബർ-ഡിസംബർ മാസങ്ങളിലായിരിക്കും നടക്കുകയെന്ന്​ ഫിഫ പ്രഖ്യാപിച്ചു. നവംബർ 21ന്​ തുടങ്ങി ഡിസംബർ 18നാണ്​ അവസാനിക്കുക. ഗൾഫ്​ മേഖലയിലെ കടുത്ത ചൂട്​ പരിഗണിച്ചാണ്​ സാധാരണ നടക്കാറുള്ള ജൂൺ-ജൂലൈ മാസങ്ങളിൽനിന്ന്​ വ്യത്യസ്​തമായി നവംബർ-ഡിസംബർ മാസങ്ങളിൽ ലോകകപ്പ്​ നടത്താൻ ഫിഫ ഖത്തറിന്​ അനുമതി നൽകിയത്​.

വെള്ളിയാഴ്​ച ചേർന്ന ഫിഫ എക്​സിക്യൂട്ടീവ്​ കമ്മിറ്റിയാണ്​ ഇക്കാര്യത്തിൽ അന്തിമ തീരുമാനമെടുത്തത്​. സാധാരണ 32 ദിവസങ്ങളിൽ നടക്കുന്ന ലോകകപ്പ്​ ഖത്തറിൽ 28 ദിവസങ്ങളിലാണ്​ അരങ്ങേറുക. ക്ലബ്​ മത്സരങ്ങളെ ബാധിക്കുന്നത്​ ഒഴിവാക്കാനാണ്​ ദിവസം കുറച്ചത്​.