ഫ്രഞ്ച്​ ലീഗ്​ ​കപ്പ്​:​ സ്വന്തം ഗ്രൗണ്ടിൽ ദുർബലരായ ടീമിനോട് തോറ്റ് പി.എസ്.ജി പുറത്ത്

പാരിസ്​: ആഭ്യന്തര കപ്പ്​​ ചാമ്പ്യൻഷിപ്പുകളിൽ തോൽവിയറിയാതെ 43 മത്സരങ്ങളുമായി കുതിച്ച​ പി.എസ്​.ജിക്ക്​ സ​ഡൻ ബ് രേക്ക്​. ഫ്രഞ്ച്​ ലീഗ്​ കപ്പ്​ ക്വാർട്ടർ ഫൈനലിൽ നിലവിലെ ചാമ്പ്യന്മാരായ പി.എസ്​.ജിയെ ദുർബലരായ ഗ്വിൻഗാമ്പ്​​ 2-1ന്​ അട്ടിമറിച്ചു. സ്വന്തം കാണികൾക്കു മുന്നിലായിരുന്നു ഗ്ലാമർ ടീമി​​െൻറ തോൽവി.

തുടർച്ചയായ ആറാം ലീഗ്​ കപ്പ്​ ട്രോഫി ലക്ഷ്യമിട്ടുള്ള പി.എസ്​.ജിയുടെ കുതിപ്പിനാണ്​ ഇതോടെ അവസാനമായത്​. കഴിഞ്ഞ സെപ്​റ്റംബറിൽ ചാമ്പ്യൻസ്​ ലീഗ്​ പോരാട്ടത്തിൽ ലിവർപൂളിനോട്​ തോറ്റതിനു ശേഷം സീസണിൽ പി.എസ്​.ജിയ​ുടെ ആദ്യ തോൽവിയാണിത്​.

നെയ്​മറിലൂടെ (63) പി.എസ്​.ജി ആദ്യം മുന്നിലെത്തിയെങ്കിലും തുടർ പെനാൽറ്റികൾ ഗ്വിൻഗാമ്പി​​െൻറ രക്ഷക്കെത്തുകയായിരുന്നു​. യെനി എൻ​ഗാബാടോ (83), മാർകസ്​ തുറാം (92) എന്നിവർ സ്​കോർ ചെയ്​തു.