പ്രീ​മി​യ​ർ ലീ​ഗ്​ അ​സാ​ധു​വാ​ക്ക​ണ​മെ​ന്ന്​ ആ​വ​ശ്യം; നെഞ്ചിടിച്ച്​ ലിവർപൂൾ

ല​ണ്ട​ൻ: കോവിഡ്​ ബാധയെത്തുടർന്ന്​ ഇംഗ്ലീഷ്​ പ്രീമിയർ ലീഗ്​ അനിശ്ചിതത്വത്തിലായതോടെ ​ ലിവർപൂളിന് നെഞ്ചിടി ക്കുന്ന​ു​. 1993ൽ ഇംഗ്ലീഷ്​ പ്രീമിയർ ലീഗ്​ ആരംഭിച്ച ശേഷം ഇതാദ്യമായി കിരീടം ആൻഫീൽഡിലേക്കെത്താനിരിക്കേയാണ്​ ഏ​പ്രി​ൽ നാ​ലു​വ​രെ പ്രീമിയർ ലീഗിൽ ക​ളി​മു​ട​ങ്ങിയത്​​ ​.

29 മത്സരങ്ങളിൽ 82 പോയൻറുമായി ലീഗിൽ ലിവർപൂൾ ബഹുദൂരം മുന്നിലാണ്​. രണ്ടാം സ്ഥാനത്തുള്ള മാഞ്ചസ്​റ്റർ സിറ്റിക്ക്​ 57 പോയൻറ്​ മാ​ത്രമാണുള്ളത്​​. ചാമ്പ്യൻസ് ​ലീഗിൽ നിന്നും എഫ്​.എ കപ്പിൽ നിന്നും പുറത്തുപോയതോടെ ലിവർപൂളി​​െൻറ സീസണിലെ ഏക പ്രതീക്ഷ പ്രീമിയർ ലീഗിലാണ്​.

എ​ന്നാ​ൽ, മൂ​ന്നാ​ഴ്​​ച​ക്കു​ശേ​ഷം ക​ളി പു​ന​രാ​രം​ഭി​ക്കു​മെ​ന്ന്​ ചി​ന്തി​ക്കു​ന്ന​വ​ർ സ്വ​പ്​​ന​ലോ​ക​ത്താ​ണെ​ന്നാ​ണ്​ വെ​സ്​​റ്റ്​ ഹാം ​വൈ​സ് ​ചെ​യ​ർ​പേ​ഴ്​​സ​ൻ കാ​ര​ൻ ബ്രാ​ൻ​ഡി​യു​ടെ പ​ക്ഷം. ഏ​പ്രി​ൽ നാ​ലി​നു​ശേ​ഷം ക​ളി തു​ട​രാ​ൻ സാ​ധി​ക്കു​മെ​ന്ന്​ പ്ര​തീ​ക്ഷ​യി​ല്ലെ​ന്നും അ​തി​നാ​ൽ സീ​സ​ൺ അ​സാ​ധു​വാ​ക്ക​ണ​മെ​ന്നു​മാ​ണ്​​ അ​വ​രു​ടെ ആ​വ​ശ്യം. ഇംഗ്ലീഷ്​ ടി.വി ജേണലിസ്​റ്റും ആഴ്​സണൽ ആരാധകനുമായ പിയേഴ്​സ്​ മോർഗനും ലീഗ്​ റദ്ദാക്കണമെന്ന ആവ​ശ്യം ട്വീറ്റ്​ ചെയ്​തു.

ലീ​ഗ്​ റ​ദ്ദാ​ക്കു​ക​യാ​ണെ​ങ്കി​ൽ 25 പോ​യ​ൻ​റ്​ ലീ​ഡു​മാ​യി ക​ന്നി പ്രീ​മി​യ​ർ ലീ​ഗ്​ കി​രീ​ട​ത്തി​ന്​ ആ​റു​ പോ​യ​ൻ​റ്​ അ​ക​ലെ നി​ൽ​ക്കു​ന്ന ലി​വ​ർ​പൂ​ളി​ന്​ കനത്ത തിരിച്ചടിയാകും. അൽപം വൈകിയാലും സീസൺ പുനരാരംഭിക്കുമെന്നോ എന്നാൽ തങ്ങളെ ചാമ്പ്യൻമാരാക്കി പ്രഖ്യാപിക്കുകയോ അധികൃതർ ചെയ്യുമെന്നാണ്​ ലിവർപൂളി​​െൻറ പ്രതീക്ഷ.