കോൺഫെഡറേഷൻസ് കപ്പ് : പോർചുഗൽ, മെക്​സികോ സെമിയിൽ

സ​​െൻറ്​ പീറ്റേഴ്​സ്​ബർഗ്​: ഒാഷ്യാനിയ ഫുട്​ബാൾ ഫെഡറേഷൻ ചാമ്പ്യന്മാരെ നാലു ഗോളുകൾക്ക്​ തകർത്തെറിഞ്ഞ്​ ക്രിസ്​റ്റ്യാനോയും സംഘവും പ്രഥമ കോൺഫെഡറേഷൻസ്​ കപ്പി​​​െൻറ സെമിഫൈനലിൽ രാജകീയ പ്രവേശനം. മറ്റൊരു മത്സരത്തിൽ ആതിഥേയരായ റഷ്യയെ 2-1ന്​ തോൽപിച്ച്​ മെക്​സികോയും അവസാന നാലിൽ ഇടംമുറപ്പിച്ചു. ന്യൂസിലൻഡിനെ നാലു ഗോളുകൾക്ക്​ തകർത്ത പോർചുഗൽ ഗോൾ ശരാശരിയിൽ മെക്​സികോയെ മറികടന്ന്​​ ഏഴ്​ പോയൻറുമായി ഗ്രൂപ്​​ ചാമ്പ്യന്മാരായി. 

നേരത്തെ രണ്ടു മത്സരങ്ങളിലും തോറ്റ ന്യൂസിലൻഡ്​ ടൂർണമ​​െൻറിൽനിന്ന്​ തന്നെ പുറത്തായിരുന്നു. എന്നാൽ, വിജയിക്കാൻ ഉറച്ച്​ കളത്തിലെത്തിയ പോർചുഗൽ എണ്ണംപറഞ്ഞ നാലു ഗോളുകൾക്ക്​ ന്യൂസിലൻഡിനെ കെട്ടുകെട്ടിച്ചു. 33ാം മിനിറ്റിൽ ലഭിച്ച പെനാൽറ്റി വലയിലാക്കി റയൽ മഡ്രിഡ്​ താരം ക്രിസ്​റ്റ്യാനോ റൊണാ​ൾഡോയാണ്​ ഗോൾപൂരത്തിന്​ തുടക്കമിട്ടത്​. ഡാനിലോ പെരീറയെ വീഴ്​ത്തിയതിന്​ ലഭിച്ച പെനാൽറ്റിയാണ്​ ക്രിസ്​റ്റി ഗോളാക്കുന്നത്​. പൂർണ ആത്​മവിശ്വാസത്തിൽ തൊടുത്തുവിട്ട ബുള്ളറ്റ്​ കിക്ക്​ തടയാൻ ന്യൂസിലൻഡ്​ ഗോളി സ്​റ്റീഫൻ മാരിനോവിച്ച്​ ചാടിയത്​ എതിർ ദിശയിലേക്കായിരുന്നു. ഇതോടെ പോർചുഗൽ ആദ്യ ഗോളിന്​ മുന്നിലെത്തി. 

പിന്നാലെ 37ാം മിനിറ്റിൽ ബെർണാഡോ സിൽവയും  വല കുലുക്കി. എലിസിയോയുടെ അസിസ്​റ്റിലാണ്​ ഗോൾ പിറക്കുന്നത്​. രണ്ടാം പകുതിയിലാണ്​ ബാക്കി രണ്ടു ഗോളുകൾ പോർചുഗൽ നേടുന്നത്​. സൂപ്പർ മുന്നേറ്റത്തിൽ 80ാം മിനിറ്റിൽ ആന്ദ്രേ സിൽവയാണ്​ മൂന്നാമത്​ വലകുലുക്കുന്നത്​. എതിർ താരത്തിൽ നിന്ന്​ പന്ത്​ റാഞ്ചിയെടുത്ത സിൽവ പ്രതിരോധക്കാരെ വകഞ്ഞ്​മാറ്റി ബോക്​സിൽ നിന്നും തൊടുത്തുവിട്ട ഉശിരൻ ​േഷാട്ടിലാണ്​ വലകുലുങ്ങുന്നത്​. ഒടുവിൽ ക്രിസ്​റ്റ്യാനോ റൊണാൾഡോക്ക്​ പകരക്കാരനായി ഇറങ്ങിയ നാനിയും വലകുലുക്കി. 91ാം മിനിറ്റിലാണ്​ നാനിയുടെ സൂപ്പർ ഫിനിഷിങ്​. ഇതോടെ ന്യൂസിലൻഡി​​​െൻറ ​ തോൽവി പൂർണമായി. മൂന്ന്​ മത്സരങ്ങളിൽ മൂന്നിലും തോറ്റ്​ തലകുനിച്ചാണ്​ കിവികളുടെ മടക്കം.

വാശിയേറിയ പോരാട്ടത്തിൽ റഷ്യയെ 2-1ന്​ മറികടന്നാണ്​ കോൺകകാഫ്​ ചാമ്പ്യന്മാരായ ​മെക്​സികോ സെമിയുറപ്പിക്കുന്നത്​. പതിവുപോലെ ഒരു​ േഗാളിന്​ പിന്നിട്ടുനിന്ന ശേഷമാണ്​ മെക്​സികോയുടെ തിരിച്ചുവരവ്​. രണ്ടു ഗോളുകൾക്കും വഴിയൊരുക്കിയത്​ സൂപ്പർ താരം ഹെക്​റ്റർ ഹെരേരയാണ്​. 
25ാം മിനിറ്റിൽ റഷ്യയുടെ അലക്​സാണ്ടർ സെയിഡോവ്​ നേടിയ ​േഗാളിന്​ 30ാം മിനിറ്റിൽ മെക്​​സികോ തിരിച്ചടിച്ചു. ഒടുവിൽ രണ്ടാം പകുതിയിൽ ഹിർവിങ്​ ലോസെനോ മെക്​സികോയുടെ വിജയ ഗോൾ കുറിച്ചു. രണ്ടാം മഞ്ഞക്കാർഡ്​ കണ്ട്​ യൂരി സിർകോവ്​ പുറത്തു​േപായതോടെ റഷ്യക്ക്​ തിരിച്ചുവരാനായില്ല.