പരിക്ക്​; കുടീന്യോയുടെ ബാഴ്​സലോണ അരങ്ങേറ്റം വൈകും

ബാഴ്​സലോണ: 1219 കോടി രൂപ പ്രതിഫലത്തിന്​ സ്വന്തമാക്കിയ ബ്രസീൽ താരം ഫിലിപ്​ കുടീന്യോയുടെ ബാഴ്​സലോണ അരങ്ങേറ്റത്തിന്​ ഇനിയും കാത്തിരിക്കണം. തുടക്ക്​ പരിക്കേറ്റ താരത്തിന്​ മൂന്നാഴ്​ച വിശ്രമം നിർദേശിച്ചതായി ബാഴ്​സലോണ അറിയിച്ചു. ലിവർപൂളിൽ നിന്നെത്തിയ കുടീന്യോ ബാഴ്​സലോണ ജഴ്​സിയിൽ അവതരിച്ചതിനു പിന്നാലെയാണ്​ പരിക്ക്​ വിവരം പുറത്തുവിട്ടത്​. ഇതോടെ, അരങ്ങേറ്റത്തിന്​ ജനുവരി 28​​െൻറ​ അലാവസിനെതിരായ മത്സരം വരെ കാത്തിരിക്കണം.