പയ്യനാട് ഗോകുലം എഫ്.സിയുടെ ഹോം ഗ്രൗണ്ടാകുന്നു; ഐ ലീഗിന്​ സാധ്യത 

മഞ്ചേരി: ഫ്ലഡ്​ലിറ്റ് സ്ഥാപിക്കാൻ ടെൻഡർ വിളിക്കാനുള്ള തീരുമാനത്തിന് പിന്നാലെ മഞ്ചേരി പയ്യനാട് സ്​റ്റേഡിയത്തി​​െൻറ ഉണർവിന്​ ആവേശം പകർന്ന് മറ്റൊരു വാർത്ത. ഐ ലീഗ് കളിക്കുന്ന കേരളത്തിൽനിന്നുള്ള ഏക ക്ലബായ ഗോകുലം കേരള എഫ്.സിയുടെ ഹോം ഗ്രൗണ്ട് വരുന്ന അഞ്ചുവർഷത്തേക്ക് പയ്യനാട്ടെ സ്പോർട്സ്​ കൗൺസിൽ സ്​റ്റേഡിയമാകും.

ഇതോടെ ഇന്ത്യയിലെ ചാമ്പ്യൻ ക്ലബുകളായ മോഹൻബഗാനും ഈസ്​റ്റ്​ ബംഗാളും ചർച്ചിൽ ബ്രദേഴ്സും മിനർവ എഫ്.സിയുമൊക്കെ മഞ്ചേരിയുടെ മണ്ണിൽ വരുന്ന സീസൺ മുതൽ പന്തുതട്ടും. തങ്ങളുടെ പ്രഥമ ഐ ലീഗ് സീസണിൽതന്നെ പയ്യനാട് സ്​​റ്റേഡിയമാണ് ഗോകുലം കേരള എഫ്.സി തങ്ങളുടെ ഹോം ഗ്രൗണ്ടായി ദേശീയ ഫുട്ബാൾ ഫെഡറേഷന് പേര് സമർപ്പിച്ചിരുന്നത്. എന്നാൽ, സ്​റ്റേഡിയത്തി​​െൻറ മോശപ്പെട്ട അവസ്ഥകാരണം അനുമതി നിഷേധിച്ചു. ഇതോടെ കോഴിക്കോട് കോർപറേഷൻ സ്​റ്റേഡിയം ഗോകുലം എഫ്.സിയുടെ ഈ സീസണിലെ ഹോം ഗ്രൗണ്ടായി.

ആദ്യ മത്സരത്തിൽ 20,000 കാണികൾ കോഴിക്കോട്ടെത്തിയെങ്കിലും പിന്നീടുള്ള മത്സരങ്ങളിൽ കാണികളുടെ സാന്നിധ്യം കുറവായതോടെയാണ് പയ്യനാട് തന്നെ ഹോം ഗ്രൗണ്ടായി ഗോകുലം തെരഞ്ഞെടുത്തത്. അടുത്ത ഐ ലീഗ് മത്സരങ്ങൾ തുടങ്ങുമ്പോഴേക്കും സ്​റ്റേഡിയത്തി​​െൻറ നവീകരണ ജോലികൾ പൂർത്തിയാവുമെന്നാണ് പ്രതീക്ഷ.

പയ്യനാട് സ്​റ്റേഡിയത്തിൽ സ്​ഥിരം ഫ്ലഡ്​ലിറ്റ്​; ടെൻഡർ ഉടൻ
ജില്ല സ്പോർട്സ് കൗൺസിലിന് കീഴിലെ മഞ്ചേരി പയ്യനാട് സ്​റ്റേഡിയത്തിൽ ഫ്ലഡ്​ലിറ്റ് സ്ഥാപിക്കാനുള്ള ടെൻഡർ ഈ മാസം വിളിക്കും. 4.1 കോടി രൂപ അടങ്കലുള്ള  ടെൻഡർ വൈകുന്നതിൽ പ്രതിഷേധമുയർന്നതോടെയാണ് സർക്കാർ നടപടിക്രമങ്ങൾ വേഗത്തിലാക്കിയത്. ഫ്ലഡ്​ലിറ്റ്​ സംവിധാനമില്ലാത്തതിനാൽ പ്രധാന ടൂർണമ​െൻറുകൾക്കും മറ്റ്​ മത്സരങ്ങൾക്കും വേദിയാവാനുള്ള അവസരം പയ്യനാട് സ്​റ്റേഡിയത്തിന് നഷ്​ടമായിരുന്നു.

2014ൽ ഫെഡറേഷൻ കപ്പ് ഫുട്ബാളിന് പയ്യനാട് വേദിയായിരുന്നു. ടൂർണമ​െൻറിലെ എല്ലാ മത്സരങ്ങൾക്കും കാണികൾ ഒഴുകിയെത്തി. അന്ന് താൽക്കാലിക ഫ്ലഡ്​ലിറ്റ് സൗകര്യത്തിലാണ് മത്സരം നടത്തിയത്. അതിനാൽതന്നെ ഫൈനൽ മത്സരം കൊച്ചിയിലായിരുന്നു. സ്​റ്റേഡിയത്തോടനുബന്ധിച്ച ഹോസ്​റ്റലി​​െൻറ നിർമാണപ്രവൃത്തികൾക്ക്​ 76 ലക്ഷം രൂപയുടെയും മൈതാനം വൃത്തിയാക്കാൻ 20 ലക്ഷം രൂപയുടെയും പ്രവൃത്തിക്കും ടെൻഡർ വിളിക്കുന്നുണ്ട്. ബാസ്കറ്റ്ബാൾ കോർട്ടും നിർമിക്കും.