100ാം മത്സരത്തിൽ ഡിബാലക്ക്​ ഹാട്രിക്​; യുവൻറസിന് തകർപ്പൻ ജയം

റോം: യുവൻറസ്​ ജഴ്​സിയിലെ 100ാം മത്സരം പൗലോ ഡിബാലക്ക്​ ഒാർമകളിൽ എന്നുമുണ്ടാകും. അർജൻറീനൻ താരം സൂപ്പർ ഹാട്രിക്കുമായി നിറഞ്ഞുനിന്നപ്പോൾ, സസോളോക്കെതിരെ 3-1​​െൻറ തകർപ്പൻ ജയവുമായി ഇറ്റാലിയൻ ചാമ്പ്യന്മാർ ജൈത്രയാത്ര തുടങ്ങി. കളിയിൽ 63 ശതമാനവും പന്ത്​ കൈവശംവെച്ച യുവൻറസിനായി 16, 49, 63 മിനിറ്റുകളിലായിരുന്നു ഡിബാലയുടെ ഗോളുകൾ. മാറ്റീനോ പൊളിറ്റാനോയാണ്​ (51ാം മിനിറ്റ്​) സസോ​േളായുടെ ആശ്വാസ ഗോൾ നേടിയത്​. ചാമ്പ്യൻസ്​ ലീഗിൽ മൂന്ന്​ ഗോളുകൾക്ക്​ ബാഴ്​സലോണയോട്​ തോറ്റതിനുശേഷമാണ്​ സീരി എയിൽ യുവൻറസി​​െൻറ​ വിജയവഴിയിലേക്കുള്ള തിരിച്ചുവരവ്​.