വനിതാ നീന്തൽ താരങ്ങളുടെ ദൃശ്യങ്ങൾ പകർത്തി; നീന്തൽ താരത്തിന്​ മൂന്ന്​ വർഷം സസ്​പെൻഷൻ

ബെംഗളൂരു: വികലാംഗ നീന്തൽ താരമായ പ്രശാന്ത കർമാക്കറെ വനിതാ നീന്തൽ താരങ്ങളുടെ ദൃശ്യങ്ങൾ പകർത്തിയതി​​െൻറ പേരിൽ ഇന്ത്യ’ പാരാലിമ്പിക്​ കമ്മിറ്റി സസ്​പെൻഡ്​ ചെയ്​തു. കഴിഞ്ഞ വർഷം ജയ്​പൂരിൽ  നടന്ന ദേശീയ പാരാസ്വിമ്മിങ്​ ചാമ്പ്യൻഷിപ്പിനിടെ​  വനിതാ നീന്തൽ താരങ്ങളുടെ ദൃശ്യങ്ങൾ പകർത്തിയതിന്​ മൂന്ന്​ വർഷത്തേക്കാണ്​ ​​പ്രശാന്തയെ സസ്​പെൻഡ്​ ചെയ്​തത്​. 

അർജുന അവാർഡ്​ ജേതാവായ പ്രശാന്തക്കെതിരെ മോശം പെരുമാറ്റത്തി​​െൻറ​ പേരിൽ ലഭിച്ച പരാതിയിലാണ്​ നടപടി. പ്രശാന്ത അയാളുടെ സഹായിക്ക്​ ക്യാമറ നൽകി വനിതാ നീന്തൽ താരങ്ങളുടെ  ദൃശ്യങ്ങൾ പകർത്താൻ ആവശ്യപ്പെട്ടതായും ഇത്​ കണ്ട നീന്തൽതാരങ്ങളുടെ രക്ഷിതാക്കൾ എതിർത്തതായും പരാതിയിലുണ്ട്​. പാരാലിമ്പിക്​ അധികൃതർ ഇട​െപട്ട്​ ഇത്​ തടഞ്ഞിരുന്നു.

എന്നാൽ സമാനമായ പരാതി വീണ്ടും ലഭിച്ചു. ഇത്തവണ പ്രശാന്ത തന്നെയായിരുന്നു താരങ്ങളുടെ ദൃശ്യങ്ങൾ പകർത്തിയത്​. നീന്തൽ താരങ്ങളുടെ രക്ഷിതാക്കളുടെ എതിർപ്പിനെ അവഗണിച്ചായിരുന്നു പ്രശാന്തയുടെ ചിത്രീകരണം. ദൃശ്യങ്ങൾ നീക്കം ചെയ്യാൻ ആവ​ശ്യപ്പെട്ടപ്പോൾ ​പ്രശാന്ത താൻ ഒരു അർജുന അവാർഡ്​ ജേതാവ​ാണെന്ന്​ പറഞ്ഞ്​ നിരസിച്ചതായി അധികൃതർ ആരോപിച്ചു.